প্রেরিত্‌ 18:6 - Chakma Bible

⁶ মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 18:6 ပူးပေါင်းရင်းမြစ်များ

২ শমূয়েল 1:16

দায়ূদে সে গাবুজ্যেবোরে কলদে, “তর্‌ মরণানত্তে তুই নিজেই দায়ী, কিত্যে তর্‌ মুয়ো কধানি তর্‌ বিরুদ্ধে সাক্ষী দিয়্যেদে, লগেপ্রভুর অভিষেগ গোজ্যে মানুচ্চোরে তুই মারে ফেলেয়োচ্‌।”

১ রাজাবলী 2:33

তারার্ লো ঝরানার দুষ্‌ছান যোয়াবর আর তা বংশর মানুচ্চুনোর মাদা উগুরে জিংকানিবর থোক্‌। মাত্তর্‌ দায়ূদ আর তা বংশর মানুচ্চুনো উগুরে আর তা গিরির্ আর তা সিংহাসন উগুরে লগেপ্রভুর শান্তি জিংকানিবর থোক্‌।”

নহিমিয় 5:13

মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 33:4

সেক্কে যুনি কনজনে তূরীর রঅ শুনিনেয়ো উজিয়ার ন-অয় আর সৈন্যগুনে এইনে তারে মারে ফেলান্ সালে তার মরণত্তে তে নিজেই দায়ী থেবঅ।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

লেবীয় 20:9

যিবের কধালোই মা-বাব উগুরে অশ্রদ্ধা থেবঅ তারে হামাক্কায় মারে ফেলা পুরিবো। সেই অশ্রদ্ধাগানর্‌ কারনে তে নিজোর্‌ মরণানত্তে নিজেই দায়ী।

মথি লেখ্যে গম্ হবর্ 10:14

যুনি কনজনে তমারে গুজি ন-লয় বা তমা কধা ন-শুনোন্ সালে সেই ঘর বা আদামত্তুন্ যেবার সময়োত্ তমা টেঙর্ ধূল্যেগানি ঝাড়ি ফেল্ল্য।

মথি লেখ্যে গম্ হবর্ 21:41

সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 22:10

সেক্কেনে সেই চাগরুনে বারেদি পধত্ যেইনে গম্-বজং যিগুনোরে পেলাক্ বেক্কুনোরে ডাগি আনিলাক্। সেক্কে মেলা-ঘরান্ সেই গর্বালোই ভুরি গেলঅ।

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

লূকে লেখ্যে গম্ হবর্ 22:65

এবাবোত্যেগুরি তারা আরঅ বোউত্ কধা কোইনে তারে অগমান্ গল্লাক্।

লূকে লেখ্যে গম্ হবর্ 9:5

যুনি মান্‌জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”

প্রেরিত্‌ 13:51

সেক্কে পৌল আর বার্ণবা সেই মানুচ্চুনো বিরুদ্ধে তারার্ টেঙর্ ধূল্যেগানি ঝাড়িনেই ইকনিয় শঅরত্ গেলাক্‌‌কোই।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

রোমীয় 3:29

গোজেনে কি সালে বানা যিহূদীগুনোর্, অযিহূদীগুনোর নয়? অয়, ঘেচ্চেকগুরি তে অযিহূদীগুনোর্‌অ গোজেন,

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।