প্রেরিত্‌ 18:28 - Chakma Bible

²⁸ যীশু যে মশীহ সিয়েন তে পবিত্র বোইবো ভিদিরেত্তুন্ প্রমাণ গুরিলো আর বেক্কুনো মুজুঙোত্ অমকদ দরমর যুক্তিলোই তর্কাতুর্কিত্ যিহূদীগুনোরে ওদেই দিলো।

প্রেরিত্‌ 18:28 ပူးပေါင်းရင်းမြစ်များ

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

প্রেরিত্‌ 17:3

তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

প্রেরিত্‌ 18:25

প্রভুর্ পধঅ পৌইদ্যেনে তে শিক্ষ্যে পেয়্যে। তে অমকদ আওজ্ গুরিনে কধা কদঅ আর যীশু পৌইদ্যেনে গমেডালে শিক্ষ্যে দিদো, মাত্তর্ যোহনর্ বাপ্তিষ্ম বাদে আর কনঅ বাপ্তিষ্ম কধা তে কোই ন-পাত্ত।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 8:35

সেক্কে ফিলিপে পবিত্র বোইবোর্ সিয়েনত্তুন্ আরাম্ভ গুরিনে তা ইধু যীশু পৌইদ্যেনে গম্ হবরান্ ফগদাং গুরিলো।

প্রেরিত্‌ 9:22

মাত্তর্ শৌলে আরঅ খেমতাবলা ওই উদিলো আর যীশুই যে মশীহ সিয়েন প্রমাণ গুরিলো। ইয়েন্দোই দামেস্কর্ যিহূদীগুনে বেদমা ধোক্ক্যেন ওই গেলাক্।