প্রেরিত্‌ 18:22 - Chakma Bible

²² তে কৈসরিয়া শঅরত্ লুমিনে জাহাজত্তুন্ লামিনে যিরূশালেমত্ গেলঅ। সিধু মন্ডলীর্ মানুচ্চুনোরে ভালেদি জানানার্ পরেদি তে আন্তিয়খিয়াত্ গেলঅ।

প্রেরিত্‌ 18:22 ပူးပေါင်းရင်းမြစ်များ

প্রেরিত্‌ 10:1

কৈসরিয়া শঅরত্ কর্ণীলিয় নাঙে এক্কো মানুচ্‌ ইটালীয় সৈন্যদলর্ সেনাপতি এলঅ।

প্রেরিত্‌ 10:24

তার্ কেল্যে তারা কৈসরিয়াত্ লুমিলাক্। সে অক্তত্ কর্ণীলিয় তার কুদুম্মো আর সমাজ্যেগুনোরে এগত্তর্ গুরিনে তারারে বাজ্জেই থেলঅ।

প্রেরিত্‌ 11:11

ইয়েনর পরেদি সমারে সমারে মুই যে ঘরানত্ এলুং সে ঘরানত্ তিনজন মানুচ্‌ এইনে থিয়েলাক্। কৈসরিয়াত্তুন্ তারারে দিপাধা ওইয়্যে।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 14:26

পরেদি অত্তালিয়াত্তুন্ জাহাজত্ গুরি সিরিয়া দেজর্ আন্তিয়খিয়াত্ ফিরি এলাক্। যে কামান্ তারা ইক্কিনে থুম্ গুরিলাক্ সেই কামানত্যে এই আন্তিয়খিয়াত্ গোজেনর্ দোয়্যের্ আঢত্ তারারে তুলি দিয়্যে ওইয়্যে।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:30

পৌল, বার্ণবা আর সেই মানুচ্চুনোরে দিপাধা অলে পরেদি তারা আন্তিয়খিয়াত্ গেলাক্। সিধু তারা মন্ডলী মানুচ্চুনোরে এগত্তর্ গুরিনে সেই চিধিগান তারারে দিলাক্।

প্রেরিত্‌ 15:35

মাত্তর্ পৌল আর বার্ণবা আন্তিয়খিয়াত্ রলাক্। সিধু তারা আরঅ ভালোকজন সমারে প্রভুর কধা শিক্ষ্যে দেনা আর ফগদাং গরা ধুরিলাক্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 23:23

পরেদি আজল্ সেনাপতিবো তার্ দ্বিজন শত উগুরে সেনাপতিগুনোরে ডাগিনে কলঅ, “দ্বিশত্ সাধারণ সৈন্য, সত্তুর্ জন ঘোড়াবলা সৈন্য আর দ্বিশত্ শেলবলা সৈন্যরে এচ্চ্যে রেত্ নটা সময়োত্ কৈসরিয়াত্ যেবাত্যে যুক্কোল্ রাগঅ।

প্রেরিত্‌ 25:1

সেই রেজ্যত্ এজানার্ তিন দিন পরেদি ফীষ্ট কৈসরিয়াত্তুন্ যিরূশালেমত্ গেলঅ।

প্রেরিত্‌ 25:9

ফীষ্ট যিহূদীগুনোরে হুজী গুরিবাত্যে পৌলরে কলঅ, “এ বেক্‌ দুষ্‌চানির্ বিচের্ মুই যেন যিরূশালেমত্ গুরি পারং সেনত্তে তুই কি সিধু যেবাত্তে রাজী আঘচ্?”

প্রেরিত্‌ 8:40

মাত্তর্ ফিলিপরে অস্‌দোদ শঅরত্ দেগা গেলঅ। তে আদামে আদামে গম্ হবর্ ফগদাং গত্তে গত্তে যেরেদি কৈসরিয়াত্ গেলঅ।