প্রেরিত্‌ 18:17 - Chakma Bible

¹⁷ সেক্কে সেই যিহূদীগুনে বেক্কুনে মিলিনে সমাজ-ঘরর্ নেতা সোস্থিনীরে ধুরিনে কোদো মুজুঙোত্ পিদিলাক্; মাত্তর্ গাল্লিয়ো সিয়েন রিনিয়ো ন-চেলঅ।

প্রেরিত্‌ 18:17 ပူးပေါင်းရင်းမြစ်များ

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

মার্ক 5:22

সে অক্তত্ যায়ীর নাঙে যিহূদী সমাজ-ঘরর্ এক্কো নেতা সিয়েনত্ এলঅ আর যীশুরে দেগিনে তা টেঙ উগুরে মাঢা নিগিরি পড়িলো।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

১ করিন্হীয় 1:1

গোজেনর্ আওজে তার্ ভাত্যেনালোই মুই পৌল যীশু খ্রীষ্টর্ এক্কো প্রচারক্ ওইয়োং। মুই আর ভেই সোস্থিনি করিন্থ শঅরর্ গোজেন মন্ডলীর্ মানুচ্চুনো ইধু, অত্তাৎ তমা ইধু লেগঙর্। খ্রীষ্ট যীশু সমারে মিজেনার্ মাধ্যমে গোজেনে তা নিজোর্ নাঙে তমারে যুদো গুরি রাগেয়্যে আর তা নিজো মানুচ্ অবাত্তে ডাক্ক্যে। তমা ইধু আর অন্য বেক্‌ জাগানিত্ যিগুনে আমা প্রভু যীশু খ্রীষ্টরে প্রভু বিলিনে স্বিগের্ গরন্ তারা ইধু আমি এ চিধিগান্ লিগির্। তে তারার্-অ প্রভু, আমার্-অ প্রভু।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,