প্রেরিত্‌ 18:15 - Chakma Bible

¹⁵ মাত্তর্ ইয়েন যেক্কে বিশেষ কনঅ বেপার, কারঅ নাঙর্ বেপার আর তমা রীতি-সুদোমর্ বেপার, সেনত্তে তুমি ইয়েনর্ মিট্‌মাট্ গরঅ। মুই সিয়েনি পৌইদ্যেনে বিচের্ ন-গুরিম।”

প্রেরিত্‌ 18:15 ပူးပေါင်းရင်းမြစ်များ

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

যোহন 18:31

পীলাতে তারারে কলঅ, “ইতারে তুমি নেযেইনে তমা রীদি-সুদোম মজিম্ বিচের্ গরঅ।” সেক্কে যিহূদী নেতাগুনে পীলাতরে কলাক্, “মাত্তর্ কাররে মরণর্ সাজা দিবার্ খেমতা দঅ আমা আঢত্ নেই।”

প্রেরিত্‌ 18:13

তারা কলাক্, “এ মানুচ্চো এমন্‌ গুরিনে গোজেনর্ উবোসনা গত্তে কাট্ট্যে দের্ যিয়েন রীতি-সুদোমর্ বিরুদ্ধে।”

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 25:11

যিয়েন্ ওক্‌, যুনি মুই মরেদে ধোক্ক্যেন্ কনঅ দুষ্ গুরি থাং সালে মুই মুরিবাত্তেয়ো রাজী আঘং। মাত্তর্ এ যিহূদীগুনে মঅ বিরুদ্ধে যে দুষ্‌চানি দেদন্ সিয়েনি যুনি সত্য ন-অয় সালে ইগুনো আঢত্ মরে ইরি দিবার্ অধিকারান্ কনজনর্ নেই। মুই সম্রাট ইধু আবিত্তি গরঙর্।”

প্রেরিত্‌ 25:19

বরং তারার্ ধর্ম পৌইদ্যেনে আর যীশু নাঙে এক্কো মরা মান্‌জ্য পৌইদ্যেনে তারে দুষী গুরিলাক্। পৌল নাঙে সেই মানুচ্চো দাবি গরেদে, সেই যীশু বাঁজি আঘে।

প্রেরিত্‌ 26:3

বিশেষ গুরিনে যেক্কে যিহূদীগুনোর্ সুদোম আর তর্কর্ বেপারানি তর্ গমেডালে জানা আঘে। ইয়েনত্তে ধৈজ্জ্য ধুরি মঅ কধানি শুনিবাত্যে মুই তরে বিশেষ্ গুরি কোজোলি গরঙর্।

১ তীমথিয় 1:4

তারারে এ উগুমান্অ দিচ যেন তারা হিত্যে-কধালোই আর দাঙর্ দাঙর্ গুট্টির্-নাঙানি ইন্দি মনযোগ ন-দুয়োন। ইয়েনিয়ে গোজেনর্ কাম বাদ দিইনে নানান্ তর্কাতর্কির সৃট্টি গরে মাত্তর্ গোজেনে কেধোক্ক্যেন গুরি তার্ কামানি পরিচালনা গরে সিয়েনি বিশ্বেজর্ মাধ্যমে জানা যায়।

১ তীমথিয় 6:4

তে কিচ্চু ন-বুঝে; কোজ্জ্যে আর তর্কাতর্কি গরানা যেন তার্ এক্কান পিড়ে ওই যায়।

২ তীমথিয় 2:23

বাজে, অঘা তর্কাতর্কিত্ ন-মিজেয়ো, কিয়া তুই দঅ কোই পারচ্ সিয়েনিয়ে যেরেদি কোল্-কোজ্জ্যে বাজেই দে।

তীত 3:9

অঘা ধোক্ক্যেন তর্কাতর্কি, বংশর-নাঙানি, কোল্-কোজ্জ্যে আর রীতি-সুদোমর্ কধা সলাসুলিত্তুন্ তুই দূরোত্ থাগ, কিয়া ইয়েনি গুরিনে কনঅ লাভ নেই; ইয়েনি বেক্কানি অত্ত-নেইয়্যে।