প্রেরিত্‌ 18:12 - Chakma Bible

¹² গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 18:12 ပူးပေါင်းရင်းမြစ်များ

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

যোহন 19:13

এ কধাগান্ শুনিনে পীলাতে যীশুরে বারেদি আনিলো আর শিলো কুড়্ নাঙে এক্কান্ জাগাত্ বিচেরর্ আসনত্ বলঅ। ইব্রীয় ভাষায় সেই জাগানরে গাব্বাথা কুয়ো অদঅ।

প্রেরিত্‌ 13:12

ইয়েনি দেগিনে সেই শাসনগুরিয়্যেবো প্রভু উগুরে বিশ্বেজ্ গুরিলো, কিয়া প্রভু পৌইদ্যেনে যে শিক্ষ্যেনি তে পেইয়্যে সিয়েনিলোই তে আমক্ ওইয়্যে।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 13:7

সেই ভন্ড ভাববাদীবোরে ইলুমা, অত্তাৎ যাদুকর্ কুয়ো অদঅ। সেই যাদুকর শাসনগুরিয়্যেবো সের্গিয়-পৌলর এক্কো সমাজ্যে, আর সেই শাসনগুরিয়্যেবো এলঅ এক্কো বুদ্ধিবলা মানুচ্‌। সের্গিয়-পৌলে গোজেনর্ কধা শুনিবাত্যে বার্ণবা আর শৌলরে ডাগিনে পাধেল। মাত্তর্ বার্ণবা আর শৌলরে ইলুমা মানা গরা ধোল্ল্য আর খ্রীষ্ট উগুরে বিশ্বেজ্ গরানাত্তুন্ শাসন গুরিয়্যেবোরে ফিরেবাত্তে চেষ্টা গুরিলো।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 18:11

ইয়েন্দোই পৌলে দেড় বজর্ সেই শঅরত্ থেইনে মানুচ্চুনোরে গোজেনর্ কধা শিক্ষ্যে দিলো।

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 25:10

সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 11:10

মইধু খ্রীষ্টর্ যে সত্যগান্ আঘে সে ধগে মুই কংগে, আখায়া রেজ্যর্ কনঅ জাগাত মর্ এ দেমাগ্ গরানাগান্ কেঅ বন্ধ গুরি ন-পারিবাক্।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?