প্রেরিত্‌ 18:10 - Chakma Bible

¹⁰ কিয়া মুই তঅ লগে লগে আগং। তরে আক্রমণ গুরিনে কেঅ তর্ ক্ষতি ন-গুরিবাক্, কিয়া এ শঅরত্ মর্ বোউৎ মানুচ্‌ আঘন্।”

প্রেরিত্‌ 18:10 ပူးပေါင်းရင်းမြစ်များ

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 10:30

এমন্ কি, তমা মাঢাবোর্ চুলানিয়ো গণা আঘে।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 21:18

মাত্তর্ কনবাবদে তমার এক্কান্ চুল্-অ ভস্ত ন-অবঅ।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”

প্রেরিত্‌ 18:11

ইয়েন্দোই পৌলে দেড় বজর্ সেই শঅরত্ থেইনে মানুচ্চুনোরে গোজেনর্ কধা শিক্ষ্যে দিলো।

প্রেরিত্‌ 18:9

এক দিন্ন্যে রেদোত্ প্রভু এক্কো দর্শন মাধ্যমে পৌলরে এ কধাগান্ কলঅ, “ন-দোরেচ্, কধা কনাত্ থাক্, অলর্ গুরি ন-থেইচ্;

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

বিচের গুরিয়্যেগুন 2:18

লগেপ্রভু যেক্কে তারাত্তেই কনঅ শাজন্ গুরিয়্যে থিক্‌ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ‌ সেদকদিন সং লগেপ্রভু শত্রুগুনোর আঢত্তুন্‌ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্‌ যন্ত্রণা আর দুখ্‌ পেইনে তারা যেক্কে কানাকুদি গুরিদাক্‌ সেক্কে তারা উগুরে লগেপ্রভুর মেইয়্যে অদঅ‌।