প্রেরিত্‌ 17:7 - Chakma Bible

⁷ আর যাসোনে তা নিজো ঘরত্ সিগুনোরে জাগা দিয়্যে। তারা বেক্কুনে সম্রাট কৈসরর্ উগুম্ অমান্য গুরিনে কদন্, তে বাদে যীশু নাঙে আরঅ এক্কো রাজা আঘে।”

প্রেরিত্‌ 17:7 ပူးပေါင်းရင်းမြစ်များ

দানিয়েল 3:12

ও মহারাজ, এমন কয়েক্কো যিহূদী আঘন্ যিগুনোরে তুই বাবিল রেজ্যর্ রাজ-কামত্ নেযেয়োচ্; তারা অলাক্ শদ্রক, মৈশক আর অবেদ্‌-নগো। তারা তঅ উগুমে কান ন-পাদন্। তারা তঅ দেবেদাগুনোরে সেবা ন-গরন্ আর তুই যে সোনার মূত্তিবো থিদেবর্ গোজ্যস্ তারেয়ো জু জু ন-জানান্।”

দানিয়েল 6:13

সেক্কে তারা রাজারে কলাক্, “ও মহারাজ, দানিয়েল নাঙে যিহূদা দেশর বন্দীগুনোর এক্কো তঅ কধায় বা যে উগুমানত্ তুই দস্তক্ গোজ্যস্ সিয়েনত্ কান ন-পাদে। তে এজ সং দিনে তিনপল্লা তবনা গরে।”

লূকে লেখ্যে গম্ হবর্ 10:38

ইয়েনর্ পরেদি যীশু আর তা শিচ্চ্যগুনে পধেদি যাদে যাদে কনঅ এক্কান্ আদামত্ সোমেলাক্। সিধু মার্থা নাঙে এক্কো মিলে হুজি ওইনে তা ঘরত্ যীশুরে গুজি ললঅ।

লূকে লেখ্যে গম্ হবর্ 23:2

তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

প্রেরিত্‌ 16:21

ইগুনে এমন্‌ আচার-বেবহার পৌইদ্যেনে শিক্ষ্যে দেদন্ যিয়েনি রোমীয় ইজেবে আমাত্যে মানি লনা বা পালানা আইনোর্ উগুদো কাম্।”

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 17:8

এ বেক্‌ কধানি কোইনে সেই যিহূদীগুনে নেতাগুনোরে আর মানুচ্চুনোরে মনানি যাগুলুগ্ গুরি দিলাক্।

যাকোব 2:25

আর বেশ্যে মিলে রাহবরে কেধোক্ক্যেন গুরি নিদ্দুজি বিলিনে মানি লুয়ো ওইয়্যে? তে যিহূদী এস্পাইউনোরে লুগেই রাগেইনে পরেদি অন্য পধেদি তারারে পাধেই দিয়্যে, আর এ কামানত্যে তারে নিদ্দুজি বিলিনে মানি লুয়ো ওইয়্যে।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।