প্রেরিত্‌ 17:4 - Chakma Bible

⁴ এ কধাগান্ শুনিনে কয়েক্কো যিহূদী বিশ্বেজ্ গুরিনে পৌল আর সীল সমারে মিজেলাক্। ইগুন্ বাদে গোজেন-ভক্ত বোউত্ গ্রীক আর বোউত্ বিশেষ বিশেষ মিলেয়ো তারা সমারে মিজেলাক্।

প্রেরিত্‌ 17:4 ပူးပေါင်းရင်းမြစ်များ

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

গম্ উপদেজ্ 9:6

তুই ভুল্ মানুচ্চুনো লগে মিজেনা বাদ দে, সেক্কে তুই বাঁজিবে; তুই বিচেরবুদ্ধির্ পধেদি আঢাউদো গর্।”

পরমগীত 6:1

ও বেগত্তুন্ দোল্‌‌বি, তঅ পরাণ্যে কুদু যেইয়্যে? তে কন্ কিত্তেদি পথ্‌‌তান্ ধোজ্যে? কঅ, যেনে আমি তঅ সমারে তারে তোগেই পারি। ‌‌‌‌‌

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

প্রেরিত্‌ 13:43

মানুচ্চুনে সমাজ ঘরত্তুন্ যানার্ পরেদি বোউত্ যিহূদী আর যিহূদী ধর্ম বিশ্বেজি গোজেনভক্ত অযিহূদী পৌল আর বার্ণবা সমারে সমারে গেলাক্। সেক্কে সেই মানুচ্চুনো সমারে পৌল আর বার্ণবা কধা কলাক্ আর তারারে উচ্চোমি তুলি দিলাক্ যেন তারা গোজেনর্ দোয়্যে ভিদিরে থির্ থান্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:1

ইকনিয় শঅরত্ পৌল আর বার্ণবা তারার্ সুদোম মজিম যিহূদীগুনোর সমাজ-ঘরত্ গেলাক্। সিধু তারা এমন্‌ গুরি কধা কলাক্ যে, যিহূদী আর অযিহূদী ভালোক্ জনে বিশ্বেজ্ গুরিলাক্।

প্রেরিত্‌ 14:4

ইয়েন্দোই শঅর মানুচ্চুনে ভাগ্ ওই গেলাক্; কেঅ কেঅ যিহূদীগুনো পক্ষে, আরঅ কেঅ কেঅ দিপাধেয়্যেগুনো পক্ষে গেলাক্।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:27

আমি যিহূদা আর সীলরে পাধেলং যেন আমি যিয়েন লিগির্ সিয়েন তারা তমা ইধু মুয়োন্দিয়ো কন্।

প্রেরিত্‌ 15:32

যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 15:40

সেক্কে আন্তিয়খিয়ার ভেইয়ুনে পৌল আর সীলরে প্রভুর্ দোইয়্যের্ আঢত্ তুলি দিলে পরেদি তারা লদ্ দিলাক্।

প্রেরিত্‌ 16:3

পৌল তীমথিয়রে সমারে নিবাত্তে চেইয়্যে বিলি তারে সুন্নত গোরেল, কিয়া সেই জাগানিত্ যে যিহূদীগুনে থেদাক্ তারা কোই পারিদাক্ তীমথিয় বাপ্পো এক্কো গ্রীক।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:12

বোউত্ যিহূদী যীশু উগুরে বিশ্বেজ্ গুরিলাক্; ইগুন্ বাদে বোউত্ নামিদামী গ্রীক মিলে আর মরদ্অ বিশ্বেজ্ গুরিলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

প্রেরিত্‌ 17:17

তে সমাজ-ঘর ভিদিরে যিহূদীগুনো সমারে আর গোজেন-ভক্ত গ্রীক্‌‌কুনো সমারে তেম্মাং গরা ধুরিলো। ইগুন বাদে যিগুনে বাজারত্ এদাক্ তারা সমারেয়ো তে দিনোর্ পর্ দিন তেম্মাং গরা ধুরিলো।

প্রেরিত্‌ 17:34

কয়েক্কো মান্‌জ্যে পৌল সমারে মিজেলাক্ আর বিশ্বেজ্ গুরিলাক্। সেই বিশ্বেজিগুনো ভিদিরে দিয়নুষিয় নাঙে আরেয়পাগের সভার একজন, দামারিস্‌ নাঙে এক্কো মিলে আর তারা সমারে আরঅ কয়েকজন এলাক্।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 2:44

বেক্‌ বিশ্বেজিগুনে একসমারে থেদাক্ আর বেক্কানি যার্ যার্ দরকার মজিম্ বেবহার গুরিদাক্।

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

প্রেরিত্‌ 28:24

তে যিয়েন কোইয়্যে সিয়েনত্যে কেঅ কেঅ বিশ্বেজ্ গুরিলাক্, আরঅ কেঅ কেঅ বিশ্বেজ্ ন-গুরিলাক্।

প্রেরিত্‌ 4:23

সিয়েনত্তুন্ ছড়ান্ পেইনে পিতর আর যোহনে তারা নিজো মানুচ্চুনো ইধু গেলাক্ আর আজল্ ধর্মগুরুগুন আহ্ বুড়ো নেতাগুনে তারারে যিয়েনি যিয়েনি কোইয়োন বেক্কানি তারারে জানেলাক্।

২ করিন্হীয় 8:5

আমার্ আজাত্তুন্-অ বেচ্‌ তারা দান গোজ্জ্যন্-তারা নিজোরে পত্তমে প্রভু ইধু আর পরেদি গোজেনর্ আওজ্ মজিম আমা ইধু দি দুয়োন্।