প্রেরিত্‌ 17:32 - Chakma Bible

³² মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”

প্রেরিত্‌ 17:32 ပူးပေါင်းရင်းမြစ်များ

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

লূকে লেখ্যে গম্ হবর্ 14:18

মাত্তর্ তারা বেক্কুনে একজন একজন গুরিনে অজুহাত্ দেগা ধুরিলাক্। পত্তম্ মানুচ্চো সেই চাগর্‌বোরে কলঅ, মুই কিজু ভূই কিন্ন্যং, মত্তুন্ যেইনে হামাক্কায় সিয়েন্ চাহ্ পুরিবো। দোয়্যে গুরিনে মরে ক্ষেমা গর্।

লূকে লেখ্যে গম্ হবর্ 22:63

যিগুনে যীশুরে চুগি দেদন্ সিগুনে তারে ঠাট্টা গরানা আর পিদে ধুরিলাক্।

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:36

সৈন্যগুনেয়ো তারে ঠাট্টা-মশ্‌কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্,

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 17:33

সেক্কে পৌলে সেই তেম্মাঙত্তুন্ গেলগোই।

প্রেরিত্‌ 2:13

আরঅ অন্যগুনে শিচ্চ্যগুনোরে থেঝেরা মারিনে কলাক্, “উগুনে মদ হেইনে মাত্তল্ ওইয়োন।”

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

প্রেরিত্‌ 25:19

বরং তারার্ ধর্ম পৌইদ্যেনে আর যীশু নাঙে এক্কো মরা মান্‌জ্য পৌইদ্যেনে তারে দুষী গুরিলাক্। পৌল নাঙে সেই মানুচ্চো দাবি গরেদে, সেই যীশু বাঁজি আঘে।

প্রেরিত্‌ 26:8

গোজেনে যে মরাগুনোরে জেদা গরে এ কধাগান্ বিশ্বেজ্ গরেদে ধোক্ক্যেন্ নয় বিলি তুমি কিত্তে মনে গরর্?

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 15:12

মাত্তর্ যুনি প্রচার গরা অয় যে, খ্রীষ্টরে মরণত্তুন্ জেদা গরা ওইয়্যে সালে তমাত্তুন্ কেঅ কেঅ কেধোক্ক্যেন গুরি কদন্ যে, মরাগুনোর্ জেঈ উদোনা বিলিনে কিচ্চু নেই?

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,