প্রেরিত্‌ 17:31 - Chakma Bible

³¹ কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 17:31 ပူးပေါင်းရင်းမြစ်များ

গীতসংহিতা 9:8

তে গমেডালে সংসারর্ বিচেরানি গুরিবো, গমেডালে বেক্ জাদ্‌‌তুনোরে শাজন্ গুরিবো।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

লূকে লেখ্যে গম্ হবর্ 22:22

গোজেনে যেধোক্ক্যেন গুরি ঠিগ্ গুরি থোইয়্যে সেধোক্ক্যেন গুরি মান্‌জ্য পুয়োবো মুরি যেবঅ ঠিগ্; মাত্তর্ কি দর্‌‍‍গরেপারা সেই মানুচ্চো, যে তাল্লোই বেঈমানী গোজ্যে!”

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 16:10

গোজেনর্ আওজ্-মজিম্ চলানা পৌইদ্যেনে চেতনা দিবো, কিয়া মুই বাবা ইধু যাঙর্ আর তুমি মরে আর্ ন-দেগিবা;

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।