প্রেরিত্‌ 17:3 - Chakma Bible

³ তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

প্রেরিত্‌ 17:3 ပူးပေါင်းရင်းမြစ်များ

লূকে লেখ্যে গম্ হবর্ 24:32

সেক্কে তারা একজন আরেক জনরে কলাক্, “পধত্ যেক্কে তে আমা সমারে কধা কর্ আর পবিত্র বোইবো বুঝেই দের্ সেক্কে আমা মনান্ কি জুলি জুলি ন-উদের্?”

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 20:9

মরণত্তুন্ যীশুর জেদা ওই উদিবার্ যে দরকার্ আঘে, পবিত্র বোইবোর্ সে কধাগান্ তারা আগেদি বুঝি ন-পারন্।

প্রেরিত্‌ 1:4

সেক্কে এক দিনোত্ যীশু যেক্কে শিচ্চ্যগুনো সমারে এলঅ সেক্কে তারারে এ উগুমান দিয়্যে “তুমি যিরূশালেমান ফেলেই ন-যেইয়ো, মাত্তর্ মঅ বাপ্পোর্ এগেম্ গোজ্যে যে দানর্ কধা তুমি মত্তুন্ শুন্ন্য সিয়েনত্যে বাজ্জেই থাগঅ।

প্রেরিত্‌ 18:28

যীশু যে মশীহ সিয়েন তে পবিত্র বোইবো ভিদিরেত্তুন্ প্রমাণ গুরিলো আর বেক্কুনো মুজুঙোত্ অমকদ দরমর যুক্তিলোই তর্কাতুর্কিত্ যিহূদীগুনোরে ওদেই দিলো।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 3:18

মাত্তর্ গোজেনে ভালোক্ দিন আগে বেক্‌ ভাববাদীগুনোর মাধ্যমে কোইয়্যেদে তার মশীহর কষ্ট ভোগ গরা পুরিবো; আর সে কধাগান গোজেনে এবাবোত্যে গুরি পূরেই দিবো।

প্রেরিত্‌ 9:22

মাত্তর্ শৌলে আরঅ খেমতাবলা ওই উদিলো আর যীশুই যে মশীহ সিয়েন প্রমাণ গুরিলো। ইয়েন্দোই দামেস্কর্ যিহূদীগুনে বেদমা ধোক্ক্যেন ওই গেলাক্।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।