প্রেরিত্‌ 17:27 - Chakma Bible

²⁷ গোজেনে এ কামান্ গোজ্জ্যে যেন মান্‌জ্যে তগাদে তগাদে তারে পেবার্ আজায় তারে তগান্। মাত্তর্ আজলে তে আমা কুরেত্তুন্ দূরোত্ নয়,

প্রেরিত্‌ 17:27 ပူးပေါင်းရင်းမြစ်များ

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

প্রেরিত্‌ 15:17

যেন অন্য বেক্‌ মানুচ্চুনে, অত্তাৎ যিদুক্কুন অযিহূদীরে মর্ বিলিনে ডাগা ওইয়্যে তারা মরে তোগেই পারন্।’ প্রভু, যিবে ইয়েনি বেক্ কামানি গরে তে এ কধানি কর্, আর প্রভুই এ বেক্ক্যানি গরের্।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

দ্বি’লম্বর বিররণ 4:7

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ দেব-দেবেদাগুনে তারার্‌ ইদু থান, যেধোক্ক্যেন গুরি আমা গোজেন লগেপ্রভুরে ডাগিলে তারে কায়-কুরে পাহ্ যায়?