প্রেরিত্‌ 17:20 - Chakma Bible

²⁰ কিত্তেই তুই এমন্‌ কয়েক্কান কধা কর্ যিয়েনি আমা কানত্ বেধোক্ক্যা লাগের্। সেনত্তে এ বেক্‌ কধানির্ অত্তগান্ কি সিয়েনি আমি জানিবার্ চেই।”

প্রেরিত্‌ 17:20 ပူးပေါင်းရင်းမြစ်များ

হোশেয় 8:12

মর্ রীদি-সুদোমর্ বোউত্ কধা মুই তারাত্তেই লেখ্যং, মাত্তর্ তারা সিয়েনি বিদেশী কনঅ কিজু বিলি মনে গোজ্যন্।

মার্ক 9:10

শিচ্চ্যগুনে যীশুর উগুমান্ পালেলাক্, মাত্তর্ মরণত্তুন্ জেদা ওই উদোনার অত্তগান্ কি সিয়েন নিজো ভিদিরে কুয়ো কি গরা ধুরিলাক্।

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

প্রেরিত্‌ 10:17

যে দর্শন পিতরে পেইয়্যে সিয়েনর্ অত্ত কি ওই পারে সিয়েন তে সেক্কেয়ো চিন্তে গরের্; এমন্ সময় কর্ণীলিয়র্ পাধেয়্যে মানুচ্চুনে শিমোন ঘরান্ তোগেই পেইনে গেদো মুজুঙোত্ এইনে থিয়েলাক্।

প্রেরিত্‌ 17:19

সেক্কে সেই মাষ্টরুনে পৌলরে আরেয়পাগের সভা মুজুঙোত্ আনিলাক্। সিধু তারা পৌলরে পুযোর্ গুরিলাক্, “যে নুয়ো শিক্ষ্যেগান্ তুই দুয়োর্ সিয়েন কি, সিয়েন্ কি আমি জানি পারিই?

প্রেরিত্‌ 17:21

তারা এ কধাগান্ কলাক্ কিয়া এথেন্সর বেক্ মানুচ্চুনে আর সেই শঅরত্ যে বিদেশীগুনে থেদাক্ তারা বানা নুয়ো নুয়ো বেপারানিলোই কধা কন্ আর শুনিনে সময় কাধেদাক্।

প্রেরিত্‌ 2:12

তারা আমক্ আর বেদমা ওইনে একজন আরেক জনরে পুযোর্ গরা ধল্লাক্, “ইয়েনর মানেগান কি?”

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

ইব্রীয় 5:11

এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।