প্রেরিত্‌ 17:18 - Chakma Bible

¹⁸ সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 17:18 ပူးပေါင်းရင်းမြစ်များ

গম্ উপদেজ্ 23:9

বিবেচনা নেইয়্যে মান্‌জ্য ইদু কধা ন-কোইয়ো; তঅ কধাগানত্ যে জ্ঞানান্ আঘে সিয়েন তে ঈচ্ গুরিবো।

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

মার্ক 9:14

যীশু আর সেই তিনজন শিচ্চ্য অন্য শিচ্চ্যগুনো ইধু ফিরি এইনে দেগিলাক্, তারা চেরোকিত্তে বোউত্ মানুচ্ তুবেয়োন আর কয়েক্কো ধর্ম-মাষ্টর তারা সমারে কধা তর্কাতর্কি বাজেয়োন্।

লূকে লেখ্যে গম্ হবর্ 11:53

তে সেই জাগায়ান্ ফেলে যেবার অক্তত্ ধর্ম-মাষ্টরুন আর ফরীশীগুনে তা বিরুদ্ধে শত্রুমি গুরিবাত্তে লাক্ক্যন্। নানান্ পৌইদ্যেনে প্রশ্ন পুযোর্ গুরিনে তারে কধা ফালত্ ফেলেবাত্তে তারা বাজ্জেই থাহ্ ধুরিলাক্।

প্রেরিত্‌ 26:23

সেই কধাগান্ অলঅ ইয়েন্, মশীহত্তুন্ দুঘ্ ভুগো পড়িবো আর তার্ মরণত্তুন্ পত্তমে জেদা ওই উদিনে তার্ নিজো জাদর্ মানুচ্চুনো ইধু আর অযিহূদীগুনো ইধু পহ্‌র রেজ্যর্ পৌইদ্যেনে ফগদাং গরা পড়িবো।

প্রেরিত্‌ 4:2

ইগুনে অমকদ তোচ্চ্যে পেইয়োন, কিয়া পিতর আর যোহনে মানুচ্চুনোরে শিক্ষ্যে দেদন্ আর যীশুর মাধ্যমে মরাগুনোরে আরঅ জেদা ওই উদোনা পৌইদ্যেনে প্রচার গোজ্যন্।

প্রেরিত্‌ 5:42

তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ করিন্হীয় 3:18

তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।