প্রেরিত্‌ 17:15 - Chakma Bible

¹⁵ যে মানুচ্চুনে পৌলরে সমারে গুরি নেযাদন্ তারা তারে এথেন্স শঅরত্ আনিলাক্। সে পরেদি সেই মানুচ্চুনে সীল আর তীমথিয়ত্যে এ উগুমান্দোই বিরয়াত্ ফিরি গেলাক্, সীল আর তীমথিয় যেদক্ ঝাদি-মাদি পারন্ যেইনে যেন পৌল সমারে মিজেই পারন্।

প্রেরিত্‌ 17:15 ပူးပေါင်းရင်းမြစ်များ

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

প্রেরিত্‌ 17:16

পৌল এথেন্স শঅরত্ সীল আর তীমথিয়ত্যে বাজ্জেই থেবার্ অক্তত্ সেই শঅরান্ মূত্তিলোই ভরা দেগিলো। সেক্কে তা মনান্ অমকদ গম্ ন-লাগিলো।

প্রেরিত্‌ 17:21

তারা এ কধাগান্ কলাক্ কিয়া এথেন্সর বেক্ মানুচ্চুনে আর সেই শঅরত্ যে বিদেশীগুনে থেদাক্ তারা বানা নুয়ো নুয়ো বেপারানিলোই কধা কন্ আর শুনিনে সময় কাধেদাক্।

প্রেরিত্‌ 17:22

সেক্কে পৌলে আরেয়পাগের সভাত্ থিয়্যেইনে কলঅ, এথেন্স শঅরর্ মানুচ্চুন শুনো। মুই দেগঙত্তে, তুমি বেক্কানিন্দিত্তুন্ অমকদ ধর্ম-ভক্ত,

প্রেরিত্‌ 18:1

ইয়েনর্ পরেদি পৌলে এথেন্স ফেলেইনে করিন্থ শঅরত্ গেলঅ।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

১ থিষলনীকীয় 3:1

যেক্কে আমি আর সোজ্জ্য গুরি ন-পারিলোং সেক্কে এথেন্স শঅরত্ গায় গায় থানাগান ঠিগ্ গুরিনে আমা ভেই তীমথিয়রে পাধেলুং। তে খ্রীষ্ট পৌইদ্যেনে গম হবরান্ জানেবার কামত্ গোজেনর্ কাম গুরিয়্যে। আমি তারে পাধেয়্যেই যেন তে তমারে বিশ্বেজত্ থির্ থোই পারে আর উচ্চোমি দি পারে,

তীত 3:12

মুই আর্তিমা বা তুখিকরে তঅ ইধু দি-পাধেলে তুই নীকপলিত্ মঅ ইধু এবাত্যে বিশেষ গুরিনে চেষ্টা গুরিচ্, কিয়া মুই নীকপলিত্ যার্‌কাল্লো কাদেম্ বিলিনে ঠিগ্ গোজ্জ্যং।