প্রেরিত্‌ 17:13 - Chakma Bible

¹³ থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 17:13 ပူးပေါင်းရင်းမြစ်များ

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 28:25

যে মানুচ্চো লুভি তে কোল্-কোজ্যে বাজেই দে, মাত্তর্ যে লগেপ্রভু উগুরে বিশ্বেজ্ গরে তার ভালেদি অয়।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

লূকে লেখ্যে গম্ হবর্ 12:51

তমার্ কি মনে অয় যে, মুই পিত্‌থিমীত্ শান্তি-দিবাত্যে এচ্চ্যং? না, সিয়েন নয়। মুই শান্তি-দিবাত্যে ন-এজং বরং ভাগ গুরিবাত্যে এচ্চ্যং।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 17:1

পৌল আর সীল আম্‌ফিপলি আর আপল্লোনিয়া শঅর ভিদিরেন্দি থিষলনীকী শঅরত্ গেলাক্। সিধু যিহূদীগুনোর এক্কান্ সমাজ-ঘর এলঅ।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 20:4

বিরয়াত্তুন্ পুর্হর পুয়ো সোপাত্র, থিষলনীকীত্তুন্ আরিষ্টার্খ আর সিকুন্দ, দর্বীত্তুন্ গাইয়, তীমথিয় আর এশিয়াত্তুন্ তুখিক আর ত্রফিমোত্ পৌল সমারে গেলাক্।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 6:12

এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।