প্রেরিত্‌ 16:40 - Chakma Bible

⁴⁰ পৌল আর সীল জেল্‌খানাত্তুন্ নিগিলিনেই লুদিয়ার্ ঘরত্ গেলাক্। সিধু বিশ্বেজি ভেইয়ুনো সমারে তারার্ দেগা অলঅ। ভেইয়ুনোরে উৎসাহ দেনার্ পরেদি তারা সিয়োত্তুন গেলাক্‌কোই।

প্রেরিত্‌ 16:40 ပူးပေါင်းရင်းမြစ်များ

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 16:2

লুস্ত্রা আর ইকনিয় শঅরর্ বিশ্বেজি ভেইয়ুনে তীমথিয়রে অমকদ বাঈনী গুরিদাক্।

প্রেরিত্‌ 4:23

সিয়েনত্তুন্ ছড়ান্ পেইনে পিতর আর যোহনে তারা নিজো মানুচ্চুনো ইধু গেলাক্ আর আজল্ ধর্মগুরুগুন আহ্ বুড়ো নেতাগুনে তারারে যিয়েনি যিয়েনি কোইয়োন বেক্কানি তারারে জানেলাক্।