প্রেরিত্‌ 16:36 - Chakma Bible

³⁶ সেক্কে জেল-চুগিদার্‌বো পৌলরে কলঅ, “তরে আর সীলরে ইরি দিবাত্যে শাসনগুরিয়্যেগুনে কোই পাধেয়োন। তুমি ইক্কিনে নিগিলি এজঅ আর গমেডালে যগোই।”

প্রেরিত্‌ 16:36 ပူးပေါင်းရင်းမြစ်များ

২ রাজাবলী 5:19

ইলীশায় কলঅ, “তুই মনর্ সুগে আদি যাহ্।” নামানে তার্‌ কায়-কুরেত্তুন্‌ কিজু দূরোত্‌ যানার্‌ পরেন্দি গোজেন মানুচ্‌ ইলীশায়র চাগর্‌ গেহসি মনে মনে কলঅ, “সে অরামীয় নামানে যিয়েন্‌ আন্যে সিয়েন্‌ গুজি ন-লোইনে মঅ গিরোজ্‌সো এমনেই তারে ইরি দিয়্যে। জেদা লগেপ্রভুর দিব্য, মুই তা পিজেন্দি ধাবা যেইনে তাত্তুন্‌ কিজু চেম্বোই।”

যাত্রা 4:18

ইয়েন পরেদি মোশি তা শুয়োর্‌ যিথ্রো ইধু ফিরি যেইনে তারে কলঅ, “মিসর দেজত্‌ মঅ কুদুম্মোগুনো ইধু মরে ফিরি যেবাত্তে অনুমতি দুয়ো। মুই যেইনে দেগিবাত্তে চাং তারা এজঅ বাঁজি আগন্‌ নাহি।” যিথ্রো মোশিরে কলঅ, “ঠিক্‌ আঘে যঅ, তমার্‌ ভালেদি ওক্।”

মার্ক 5:34

যীশু তারে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্, তর্ আর এ দুঘ্‌কান ন-ওক্।”

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

প্রেরিত্‌ 15:33

আন্তিয়খিয়াত্ তারা কয়েক দিন কাদেলাক্। যিরূশালেমর্ যিগুনে যিহূদা আর সীলরে আন্তিয়খিয়াত্ পাধেয়োন, আন্তিয়খিয়ার্ ভেইয়ুনে তারারে ভালেদি জানেইনে যিহূদা আর সীলরে আরঅ তারা ইধু ফেরৎ পাধেই দিলাক্,

প্রেরিত্‌ 16:23

অমকদ বেত্ মারানার্ পরেদি তারারে জেল্‌খানাত্ থুয়ো অলঅ, আর গমেডালে চুগি দিবাত্যে জেল-নেতাবোরে উগুম্ দিয়্যে অলঅ।

প্রেরিত্‌ 16:27

জেল-চুগিদার্‌বো জাগি উদিলো আর জেলোর্ দোরানি খুলো দেগিনে ছুরি নিগিলেনেই নিজোরে খুন্ গুরিবাত্যে চেলঅ। তে মনে গোজ্জ্যেদে বেক্‌ বন্দীগুন্ ধেই যেইয়োন্।

প্রেরিত্‌ 16:35

তার্ কেল্যে বেইন্ন্যা মাদান্ শাসন গুরিয়্যেগুনে তারার্ কামগুরিয়্যেগুনোরে দিইনে কোই পাধেলাক্, “সে মানুচ্চুনোরে ইরি-দুয়ো।”

বিচের গুরিয়্যেগুন 18:6

জোবত্‌ ধর্মগুরুবো তারারে কলঅ, “তুমি সুগে-শান্দিয়্যে যঅ; লগেপ্রভুর আওজে তুমি যর্‌।”

১ শমূয়েল 1:17

সেক্কে এলি কলঅ, “তর্‌ মনান্‌ শান্ত ওক্। ইস্রায়েলীয়গুনোর গোজেন ইদু তুই যিয়েনি চেয়োচ্‌ সিয়েনি যেনে তে তরে দে।”

১ শমূয়েল 20:42

যোনাথনে দায়ূদোরে কলঅ, “তুই নিচিদেগুরি আদিচ্‌, কিত্যে আমি লগেপ্রভুর নাঙে একজন আরেকজন ইদু শমক্‌ গুরিনে কোইয়্যেই, ‘লগেপ্রভু তর্‌ আর মঅ ভিদিরে আর তর্‌ আহ্‌ মর্‌ বংশধরুনো ভিদিরে জিংকানিবর্‌ সাক্ষী থেবঅ।’ ” ইয়েনর পরেন্দি দায়ূদে বিদায় নেযেল আর যোনাথনে শঅরত্‌ যেইনে ফিরি গেলঅ।

১ শমূয়েল 25:35

ইয়েনর্ পরেন্দি দায়ূদে তাত্তেই আন্যে বেক্‌ পযাপিরানি অবীগলর আঢত্তুন্‌ গুঝি ললঅ আর কলঅ, “তুই এবেরা সুগে শান্দিয়্যে ঘরত্‌ ফিরি যাহ্। মুই তর্‌ বেক্‌ কধানি শুন্যং আর তর্‌ কোজোলীগান মানি নেযেয়োং।”

১ শমূয়েল 29:7

সেনত্যেই তুই সুগে-শান্তিয়ে ফিরি যাহ্; তুই এমন্‌ কিজু ন-গুরিচ্‌ যেনে পলেষ্টীয় শাজন্‌গুরিয়্যেগুনে বেজার্‌ অন্‌।”