প্রেরিত্‌ 16:26 - Chakma Bible

²⁶ এমন্ সময়োত্ আদিক্ক্যেগুরি এক্কো অমকদ ভূজোল্ বেলঅ্ আর সিয়েন্দোই জেল্‌খানার্ গড়াগান্ সং গির্‌গিরেই উদিলো। আর সেলক্কে জেল্‌খানার্ বেক্‌ দুয়োরানি আর বন্দীগুনোর্ শিগোলানি খুলি গেলঅ।

প্রেরিত্‌ 16:26 ပူးပေါင်းရင်းမြစ်များ

১ রাজাবলী 13:28

সে পরেন্দি তে যেইনে দেগিলোদে পথ্‌তান উগুরে কিয়্যেগান পড়ি আঘে আর তার্‌ কায়-কুরে থিয়্যেই আগেদে গাধা আর সিংহবো। সিংহবো সে মরাকিয়্যেগান ন-হায় আর গাধাবোরেয়ো আঘাত্‌ ন-গরে।

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 68:6

নিজোর বিলিনে যিবের কনজন নেই তারে তে নিজোর গিরির্ মানুচ্ বানায়; বানি থোইয়্যেগুনোরে তে উদ্ধোর্ গুরিনে ভালেদির পধেন্দি নেযায়, মাত্তর্ উল্লোমীগুনে রোদে পুজ্যে ভূইয়োত্ বজত্তি গরন।

গীতসংহিতা 79:11

বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

মথি লেখ্যে গম্ হবর্ 28:2

সেক্কে আদিক্ক্যেগুরি জদবদে ভূজোল্ বেলঅ, কিয়া প্রভুর্ এক্কো দূত স্বর্গত্তুন্ লামি এলঅ আর গোরান মুয়োনত্তুন্ পাত্তর্‌বো সোরেই দিইনে সিবে উগুরে বুজিলো।

প্রেরিত্‌ 12:10

তারা পত্তম্ আর দ্বি-লম্বর্ চুগিদারুনোর দল্লো পার্ ওইনে শঅরত্ সুমিবার্ লুয়োর্ গেদ্‌টো ইধু লুমিলাক্। গেদ্‌টো তারাত্তে নিজে নিজেই খুলি গেলঅ আর তারা সিবের্ সংমধ্যেদি নিগিলি গেলাক্। তারা এক্কান্ পধ্ ধুরিনে আঢি যাদন্ এমন সময় স্বর্গদূত্‌তো আদিক্ক্যে গুরি পিতররে ফেলেইনে গেলগোই।

প্রেরিত্‌ 12:7

এমন্ সময়োত্ আদিক্ক্যেগুরি প্রভুর এক্কো দূত্ সিয়েনত্ এইনে থিয়েল। সেক্কে জেল্‌খানাত্ সেই ঘরান্ পহ্‌রে জ্বোল্‌জোল্যে ওই উদিলো। স্বর্গদূত্‌তো পিতর কিয়্যেত্ জোরে ঠেলা দিইনে তারে জাগেইনে কলঅ, “যাদিমাদি উদো।” ইয়েন্দোই পিতর দ্বি আঢত্তুন্ শিগোলান্ খুয়োই পড়ি গেলঅ।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।