প্রেরিত্‌ 16:24 - Chakma Bible

²⁴ জেল-নেতাবো সেই উগুমান পেইনে পৌল আর সীলরে জেল ভিদিরে ঘরত্ নেযেল আর গাচ্‌কল্ দিইনে তারার্ টেঙানি বানি থলাক্।

প্রেরিত্‌ 16:24 ပူးပေါင်းရင်းမြစ်များ

১ রাজাবলী 22:27

তারারে কঅ রাজা কত্তে এ মানুচ্চোরে যেনে জেলোত্‌ রাগা অয় আর রাজা দোলেডালে ফিরি ন-এজানা সং তারে কিজু পানি আর কিজু রুটি বাদে যেনে আর কিচ্ছু দিয়্যে ন-অয়।”

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

ইয়োব 13:27

তুই মঅ টেঙত্‌ দুড়িলোই বান্যচ্‌; মর্‌ বেক্‌ পথ্‌তানি উগুরে তুই কড়া নজর্‌ রাগেয়োজ্ আর মর্‌ টেঙ কুজ্‌ বারানা ঠিগ্‌ গুরি দুয়োজ্‌।

ইয়োব 33:11

তে শিগোল্‌লোই মঅ টেঙান বান্যে; মঅ পুরো পথ্‌তান উগুরে তে কড়া নজর্ রাগেয়্যে।

গীতসংহিতা 105:18

বেড়া শিগল্লোই তা টেঙান দুঘ্ পেলঅ, লুয়ো শিগোল্লোই তে বানা পড়িলো।

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

যিরমিয় 38:26

মাত্তর্ তুই তারারে কবে, ‘মুই রাজারে কোজোলী গোজ্যং মরে যেন যোনাথন ঘরত্ ফিরেই ন-পাদান, কিত্তে সিদু পাদেলে মুই মুরি যেম।’ ”

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।