প্রেরিত্‌ 16:20 - Chakma Bible

²⁰ সে পরেদি তারা শাসনগুরিয়্যেগুনো ইধু তারারে নেযেইনে কলাক্, “এ মানুচ্চুনে আমা শঅরত্ যাগুলুক্ বাজেই দুয়োন। ইগুনে যিহূদী।

প্রেরিত্‌ 16:20 ပူးပေါင်းရင်းမြစ်များ

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

মথি লেখ্যে গম্ হবর্ 2:3

এ কধাগান শুনিনে রাজা হেরোদে আর তা সমারে যিরূশালেমর অন্য বেক্কুনোর্ মাঢা যাগুলুগ্ অলঅ।

প্রেরিত্‌ 16:19

লাভর্ আজাগান্ গেলগোই দেগিনে মিলেবোর গিরোজ্‌চুনে পৌল আর সীলরে ধুরিনে শঅর্ কেন্দ্রত্ নেতাগুনো ইধু টানি নেযেলাক্।

প্রেরিত্‌ 16:21

ইগুনে এমন্‌ আচার-বেবহার পৌইদ্যেনে শিক্ষ্যে দেদন্ যিয়েনি রোমীয় ইজেবে আমাত্যে মানি লনা বা পালানা আইনোর্ উগুদো কাম্।”

প্রেরিত্‌ 18:2

সিধু আকিলা নাঙে এক্কো যিহূদী সমারে তার্ দেগা অলঅ। পন্ত রেজ্যত্ আকিলার্ জর্ম ওইয়্যে। সম্রাট ক্লৌদিয় বেক্‌ যিহূদীগুনোরে রোম ছাড়ি যেবাত্যে উগুম্ দিয়্যে। সেনত্তে কয়েক্ দিন আগে আকিলা তা মোক্কো প্রিষ্কিল্লারে লোইনে ইটালিত্তুন্ করিন্থত্ এচ্চ্যে। পৌলে তারা ইধু গেলঅ।

প্রেরিত্‌ 19:34

মাত্তর্ মানুচ্চুনে যেক্কে কোই পারিলাক্, আলেক্‌সান্দরে যিহূদী সেক্কে বেক্কুনে একসমারে প্রায় দ্বিঘন্টা সং ইয়েন কোইনে রঅ ছাড়িলাক্, “ইফিষীয়গুনোর আর্তেমিস দেবীই মহান।”

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।