প্রেরিত্‌ 16:19 - Chakma Bible

¹⁹ লাভর্ আজাগান্ গেলগোই দেগিনে মিলেবোর গিরোজ্‌চুনে পৌল আর সীলরে ধুরিনে শঅর্ কেন্দ্রত্ নেতাগুনো ইধু টানি নেযেলাক্।

প্রেরিত্‌ 16:19 ပူးပေါင်းရင်းမြစ်များ

দানিয়েল 6:12

ইয়েন্দোই তারা রাজা ইধু যেইনে তারে তার দিয়্যে উগুম কধা ইদোত্ তুলি দিইনে কলাক্, “ও মহারাজ, তুই কি এ উগুমান জারি ন-গরচ্ যে, ইয়েনর পরেদি ত্রিশ দিনো ভিদিরে যুনি কনজনে তুই বাদে কনঅ দেবেদা বা মান্‌‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ?” রাজা জোব্ দিলো, “মাদীয় আর পারসীককুনোর আইন মজিম্ এ উগুমান থির্ আঘে, কিত্যে সে আইনান্ বাদ দিয়্যে ন-যায়।”

মথি লেখ্যে গম্ হবর্ 24:9

সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:5

সেক্কে অযিহূদী আর যিহূদী এ দ্বি'দলে তারার্ নেতাগুনো সমারে মিলিনে পৌল আর বার্ণবারে অত্যেচার্ গুরিবার আর পাত্তর্ মারিবাত্যে কুজুরোমি গুরিলাক্।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:26

বার্ণবা আর পৌলে আমা প্রভু যীশু খ্রীষ্টত্ত্যে মরণর্ মুয়োমি ওইয়োন।

প্রেরিত্‌ 15:40

সেক্কে আন্তিয়খিয়ার ভেইয়ুনে পৌল আর সীলরে প্রভুর্ দোইয়্যের্ আঢত্ তুলি দিলে পরেদি তারা লদ্ দিলাক্।

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

প্রেরিত্‌ 16:20

সে পরেদি তারা শাসনগুরিয়্যেগুনো ইধু তারারে নেযেইনে কলাক্, “এ মানুচ্চুনে আমা শঅরত্ যাগুলুক্ বাজেই দুয়োন। ইগুনে যিহূদী।

প্রেরিত্‌ 16:25

সেক্কে প্রায় রেত্ সম্মাক্ ওইয়্যে। পৌল আর সীলে তবনা গত্তন্ আর গোজেনর্ নাঙে বাঈনী-গীত্ গাদন্। অন্য বন্দীগুনে সিয়েন্ শুনোদন্।

প্রেরিত্‌ 16:29

সেক্কে সেই জেল-চুগিদার্‌বো একজনরে চেরাগ্ আনিবার্ কধা কোইনে নিজে ধাবা ধাবা ভিদিরে গেলঅ আর দরে গির্‌গিরেদে গির্‌গিরেদে পৌল আর সীল টেঙত্ পড়িলো।

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

প্রেরিত্‌ 21:30

সেক্কে পুরো শঅরত্ উত্তেজিত ওই উদিলাক্। মানুচ্চুনে একসমারে ধাবা এইনে পৌলরে ধুরিনে উবোসনা-ঘরত্তুন্ টানিনে নিগিলেই আনিলাক্ আর সমারে সমারে উবোসনা-ঘরর্ দোরানি নাঢি দিলাক্।

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।

ফিলিপীয় 1:30

তুমি আঘে মরে যেবাবোত্যে গুরি দুঘ্ স্বীগের্ গত্তে দেক্ক্য আর ইক্কিনিয়ো সে পৌইদ্যেনে যিয়েনি শুনোর্, তুমিয়ো সেই সেবাবোত্যে দুঘোত্ ধরা পোজ্জ্য।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?