প্রেরিত্‌ 16:18 - Chakma Bible

¹⁸ তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

প্রেরিত্‌ 16:18 ပူးပေါင်းရင်းမြစ်များ

মথি লেখ্যে গম্ হবর্ 14:24

সেক্কেনে শিচ্চ্যগুনোর্ নৌকোগান্ কুলচরত্তুন্ বোউত্ দূরোত্ যেইনে লুম্মেগোই আর বৌইয়্যেরান্ উল্লো মোক্ক্যে থানায়্ তুবোলত্ অমকদ দুলের্।

মার্ক 1:34

যীশু নানান্ বাবোত্যে পিড়েল্ল্যেরে গম্ গুরিলো আর বোউত্ ভুদ্ ধাবেই দিলো। তে ভুদ্‌‌‌‌তুনোরে কধা কবাত্তে ন-দিলো, কিয়া সেই ভুদ্‌‌‌‌তুনে কোই পারিদাক্ তে কন্না।

মার্ক 16:17

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

লূকে লেখ্যে গম্ হবর্ 9:1

ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো।

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।