প্রেরিত্‌ 16:16 - Chakma Bible

¹⁶ একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

প্রেরিত্‌ 16:16 ပူးပေါင်းရင်းမြစ်များ

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 20:27

“যিদুক্কুন মরদ বা মিলে ভূত্তুনোর্‌ মাধ্যম অন্‌ বা যিগুনে ভান্ন্যেই আত্মা সমারে মিজেন্ তারার্‌ সাজা অবঅ মরণ। তারারে পাত্তর্‌ মারিনে মারে ফেলা পুরিবো। নিজোর্‌ মরণানত্তে তারা নিজেরাই দায়ী।”

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

প্রেরিত্‌ 16:13

আমি জিরেবার্ দিনোত্ শঅরর্ গেদো বারেদি গাঙান ইধু গেলং; মনে গুরিলোং সিধু যিহূদীগুনোর তবনা গুরিবার জাগা আঘে। সিধু যে মিলেগুনে এগত্তর্ ওইয়োন আমি তারা ইধু বৈইনে কধা কুয়ো ধল্লং।

প্রেরিত্‌ 16:18

তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

প্রেরিত্‌ 16:19

লাভর্ আজাগান্ গেলগোই দেগিনে মিলেবোর গিরোজ্‌চুনে পৌল আর সীলরে ধুরিনে শঅর্ কেন্দ্রত্ নেতাগুনো ইধু টানি নেযেলাক্।

প্রেরিত্‌ 19:24

দীমীত্রিয় নাঙে এক্কো সনা বাইন্ন্যা দেবী আর্তেমিসর মন্দিরো ধোক্ক্যেন্ চিগোন চিগোন রূবোর্ মন্দির্ বানেদ। ইয়েনত্ মিস্ত্রিগুনোর্ ভারী লাভ্ অদঅ।

গালাতীয় 5:20

মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

২ তীমথিয় 3:8

যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।

১ শমূয়েল 28:7

শৌল সেক্কে তার কামগুরিয়্যেগুনোরে কলঅ, “তুমি এনজান্‌ এক্কো মিলেমান্‌জ্যরে থগঅ, যে মরা মানজ্যর্‌ আত্মা সমারে কধা কোই পারে, যেনে তাইদু যেইনে মুই পুযোর্‌ গুরি পারং মুই কি গুরিম্‌।” তারা কলাক্, “ঐন্‌দোরোত্‌ সেধোক্ক্যেন এক্কো মিলেমানুচ্‌ আঘে।”