প্রেরিত্‌ 15:32 - Chakma Bible

³² যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 15:32 ပူးပေါင်းရင်းမြစ်များ

দানিয়েল 11:1

মুই নিজেয়ো মাদীয় দারিয়াবসর রাজাগিরির পত্তম বজরত্ মীখায়েলরে সাহায্য গুরিবাত্তে আর বল্ দিবাত্তে যেইয়োং।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 11:27

ইয়েন ভিদিরে কয়েক্কো ভাববাদী যিরূশালেমত্তুন্ আন্তিয়খিয়াত্ এলাক্।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:27

আমি যিহূদা আর সীলরে পাধেলং যেন আমি যিয়েন লিগির্ সিয়েন তারা তমা ইধু মুয়োন্দিয়ো কন্।

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 15:31

মানুচ্চুনে চিধিগান পড়িলাক্ আর সিয়েন্অ ভিদিরে যে সান্তনার্ কধা এলঅ সিয়েন্দোই হুজি অলাক্।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

প্রেরিত্‌ 20:2

ম্যাসিডোনিয়া ভিদিরেদি যেবার্ অক্তত্ তে ভালোক্কানি কধা কোইনে মানুচ্চুনোরে উচ্চোমি তুলি দিলো। পরেদি তে গ্রীস, অত্তাৎ আখায়া রেজ্যত্ যেইনে সিধু তিন মাস সং থেলঅ। সে পরেদি তে জাহাজত্ গুরি সিরিয়া দেজত্ লদ্ দিবার্ আগে হবর্ পেলঅ যিহূদীগুনে তা বিরুদ্ধে কুজুরোমি গত্তন্। সেক্কে তে আরঅ ম্যাসিডোনিয়া ভিদিরেদি ফিরি যানা ঠিগ্ গুরিলো।

রোমীয় 12:6

গোজেনর্ দোয়্যে মজিম্ আমি যুদো যুদো দান পেইয়্যেই। সেই দানান্ যুনি ভাববাদী ইজেবে গোজেনর্ কধা কবার্ খেমতা অয় সালে বিশ্বেজ্ অনুসারে তে গোজেনর্ কধা হোক্।

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

১ করিন্হীয় 14:29

যিগুনে ভাববাদী ইজেবে কধা কন্ তারা দ্বিজন বা তিনজন কধা কোদোক্ আর অন্যগুনে তার্ বিচের্ গুরি চাদোক্।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

১ করিন্হীয় 14:32

ভাববাদীগুনোর্ আত্মা তারার্ নিজো অধীনোত্ থায়।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ থিষলনীকীয় 5:20

যিগুনে ভাববাদী ইজেবে গোজেনর্ কধা কন্ তারারে ঈচ্ ন-গোজ্জ্য, বরং বেক্কানি যাচাই গুরি চেইয়ো।

২ থিষলনীকীয় 3:12

আমা প্রভু যীশু খ্রীষ্টর্ ওইনে আমি এবাবোত্যে মানুচ্চুনোরে উগুম আর উপদেচ্‌ দির্, তারা যেন অলর্ গুরি কাম্ গুরিনে নিজোর্ হানা নিজে জগার গরন্।

১ তীমথিয় 2:1

পত্তমে মুই কঙর্, বেক্কুনোত্যে গোজেন ইধু যেন মিনতি, তবনা, কোজোলী আর ভালেদি জানা অয়।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ পিতর 5:12

সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।