প্রেরিত্‌ 15:24 - Chakma Bible

²⁴ “আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:24 ပူးပေါင်းရင်းမြစ်များ

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

গালাতীয় 1:7

আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

গালাতীয় 5:10

তমা পৌইদ্যেনে প্রভু উগুরে মর্ এ বিশ্বেজ্‌চান আঘে, তুমি আর অন্য কনঅ কধায় কান্ ন-পাদিবা। মাত্তর্ যে তমারে থির্ থেবাত্যে ন-দের্, তে যেই অদঅ সাৎ, তে তার পাওনা সাজা ভুগিবো।

গালাতীয় 5:12

যিগুনে তমারে যাগুলুগোত্ ফেল্ল্যন, মুই চাং তারা যেন নিজোরে এক্কুবারে ফারগ্ গুরি ফেলান্।

গালাতীয় 5:4

তুমি যিগুনে রীতি-সুদোম্ পালেইনে গোজেনর্ মানি লোইয়্যে অবাত্যে চর্ তুমি দঅ খ্রীষ্টত্তুন্ জুদো ওই যেয়ো, গোজেন দোয়্যেত্তুন্ সুরি যেইয়ো।

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।