প্রেরিত্‌ 15:23 - Chakma Bible

²³ তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:23 ပူးပေါင်းရင်းမြစ်များ

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 18:18

বেশ্ কয়েক দিন করিন্থ শঅরত্ কাদানার্ পরেদি পৌলে বিশ্বেজি ভেইয়ুনোত্তুন্ বিদেয় নিলো আর আকিলা আহ্ প্রিষ্কিল্লা সমারে পানি পধেদি সিরিয়া দেজত্ এলঅ। পৌলে এক্কান্ মানত্ গোজ্জ্যে বিলি লদ্ দিবার্ আগেদি কিংক্রিয়া বন্দরত্ তা মাধাবো মুরেল।

প্রেরিত্‌ 21:25

মাত্তর্ যে অযিহূদীগুনে বিশ্বেজি ওইয়োন্ তারাত্তে আমি যিয়েন ঠিগ্ গোজ্জ্যেই সে পৌইদ্যেনে তারা ইধু এ কধাগান লিগিনে জানেয়োং, মূত্তি মুজুঙোত্ উৎসর্ব গোজ্যে হানা তারা ন-হেবাক্, লো ন-হেবাক্, তদা চিবিনে মাজ্জ্যে কনঅ এ্যামানর্ য়েরা ন-হেবা আর কনঅ বাবোত্যে বেভিচের্ ন-গুরিবা।”

প্রেরিত্‌ 21:3

যেরেদি সাইপ্রাস দ্বীপ্‌পো দেগিনে সিবের্ দোগিণোদি ঘুরিনে আমি সিরিয়া দেজর্ সোর শঅরত্ যেইনে জাহাজত্তুন্ লামিলোং। সিধু আমার্ জাহাজর্ পযাপিরানি লামেবার্ কধা এলঅ।

প্রেরিত্‌ 23:26

মুই, ক্লৌদিয় লুসিয়, আজল্ শাসনগুরিয়্যে ফীলিক্স ইধু এ চিধিগান্ লেগঙর্। মর্ ভালেদিগান্ গুজি লঅ।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

গালাতীয় 1:21

সে পরেদি মুই সিরিয়া আর কিলিকিয়া ভিদিরে নানান্ জাগাত যেইয়োং।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।

২ যোহন 1:13

গোজেনর্ বেঈ লোইয়্যে তঅ বোনুনোর্ পুয়ো-ঝিগুনে তরে ভালেদি জানাদন্।

২ যোহন 1:3

বাবা গোজেন আর সেই বাবার্ পুয়ো যীশু খ্রীষ্টত্তুন্ সত্য আর কোচ্‌পানালোই দোয়্যে, মেয়্যে আর সুগ-শান্দিগান আমা সমারে থেবঅ।

৩ যোহন 1:14

আজা গরং যাদিমাদি তরে দেগিম্, আর সেক্কে মুজুঙোমুজুঙি ওইনে আমি কধা কোই পারিবোং।