প্রেরিত্‌ 15:21 - Chakma Bible

²¹ এই উগুমানি তারারে দেনা গম্, কিয়া মোশি যিয়েন কোইয়্যে সিয়েন পত্তি শঅরত্ ভালোক্ দিন আগেত্তুন্ ধুরি ফগদাং গরা অর্ আর তে যিয়েন লিগি যেয়্যে সিয়েন পত্তি জিরেবার দিনোত্ সমাজ-ঘরানিত্ পড়া অর্।”

প্রেরিত্‌ 15:21 ပူးပေါင်းရင်းမြစ်များ

লূকে লেখ্যে গম্ হবর্ 16:29

মাত্তর্ অব্রাহামে কলঅ, মোশি আর ভাববাদীগুনোর্ লেখ্যে বোই দঅ তারা ইধু আঘে। সিগুনে তারা কধাত্ মনযোগ্ দেদোক্।

লূকে লেখ্যে গম্ হবর্ 4:16

ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।

প্রেরিত্‌ 13:15

পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

প্রেরিত্‌ 13:27

যিরূশালেম মানুচ্চুন আর তারার্ নেতাগুনে যীশুরে ন-চিনোন্। ইয়েন বাদেয়ো ভাববাদীগুনোর্ যে কধানি পত্তি জিরেবার্ দিনোত্ পড়া অয় সেই কধানি তারা ন-বুঝোন্; সেনত্তে তারা যীশুরে দুষী গুরিনে সেই কধাগান পূরোণ্ গোজ্জ্যন্।