প্রেরিত্‌ 15:20 - Chakma Bible

²⁰ সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 15:20 ပူးပေါင်းရင်းမြစ်များ

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

পত্থম 9:4

মাত্তর্ জেদাবাদে, অত্তাৎ লো-সুমুত্তো য়েরা তুমি ন-হেবা।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

দানিয়েল 1:8

মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

লেবীয় 18:6

কনঅ কুদুম্মো ‍সমারে কিয়্যেদি মিজেনা ন-চুলিবো। মুই লগেপ্রভু।

লেবীয় 19:26

লো সুদ্ধো কনঅ য়েরা ন-হেবা। লক্ষন-বিদ্যে বা মায়াবিদ্যে বেবহার্‌ গরানা ন-চলিবো।

লেবীয় 3:17

“তুমি যিয়েনত্‌ থেদা সাৎ‌ তুমি কনঅ তেল্‌ বা লো ন-হেবা। ইয়েনই অবঅ বংশর্‌ পর বংশ ধুরিনে তমাত্তে এক্কান্‌ উমর সুদোম্।”

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

প্রেরিত্‌ 21:25

মাত্তর্ যে অযিহূদীগুনে বিশ্বেজি ওইয়োন্ তারাত্তে আমি যিয়েন ঠিগ্ গোজ্জ্যেই সে পৌইদ্যেনে তারা ইধু এ কধাগান লিগিনে জানেয়োং, মূত্তি মুজুঙোত্ উৎসর্ব গোজ্যে হানা তারা ন-হেবাক্, লো ন-হেবাক্, তদা চিবিনে মাজ্জ্যে কনঅ এ্যামানর্ য়েরা ন-হেবা আর কনঅ বাবোত্যে বেভিচের্ ন-গুরিবা।”

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

১ করিন্হীয় 7:2

মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

গালাতীয় 5:19

পাপ-খাচ্চ্যদর্ কামানি গমেডালেই দেগা যায়। সিয়েনি অলঅ-সিনেলী, অসিজি, অ-খাচ্চ্যত্,

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

দ্বি’লম্বর বিররণ 12:16

মাত্তর্‌ তুমি লো হেই ন-পারিবা; সিয়েন পানি ধোক্ক্যেন গুরি মাদিত্‌ ঢালি দিয়্যে পুরিবো।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 15:23

মাত্তর্‌ তুমি তার লো-গান ন হেবা; পানি ধোক্ক্যেন গুরি সিয়েন মাদিত্‌ ঢালি দিবা।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

ইব্রীয় 12:16

চঅ, কেঅ যেন এষৌ ধোক্ক্যেন নীতি নেইয়্যে বা গোজেন উগুরে ভোক্তি নেইয়্যে ন-অন্। এষৌ এক সাচ্ হানাত্যে দাঙর্ পুয়োবোর্ অধিকারান্ বেজি দিয়্যে।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

ফগদাং পেইয়্যে 10:2

তা আঢত্ এক্কো মেল্ল্যে চিগোন বোই এলঅ। তে তার্ ডেন্ টেঙান দোজ্জ্যে সাগর উগুরে আর বাঙ্ টেঙান মাদি উগুরে থোইনে সিংহ গুজুরোনি ধোক্ক্যেন দাঙর্ গুরি রঅ ছাড়িলো। তার্ রঅ ছাড়ানার্ লগে লগে সাত্‌টো দেবা পেরাগ্ পড়েদে ধোক্ক্যেন রঅ অলঅ।

ফগদাং পেইয়্যে 10:8

যিবেরে মুই স্বর্গত্তুন্ কধা কধে শুন্ন্যং তে আরঅ মরে কলঅ, “যে স্বর্গদূত্‌তো দোজ্জ্যে সাগর আর মাদি উগুরে থিয়্যেই আঘে তাইধু যেইনে তা আঢত্তুন্ মেল্ল্যে বোইবো লঅ।”

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

১ শমূয়েল 14:32

সেনত্তেই তারা লুদেয়্যে জিনিসছানি উগুরে ঝাবেই পুরিনে ভেড়াছাগল, গোরু, গোরু ছঅগুনোরে ধুরি মাদিত্‌ পোড়েইনে কাবিকাবাই লো সুমুত্তো য়েরা খা ধুরিলাক্।

১ শমূয়েল 14:33

সেক্কে মানুচ্চুনে যেইনে শৌলরে কলাক্কে, “চাহ্, তারা বেক্কুনে লো সুমুত্তো য়েরা খেইনে লগেপ্রভুর বিরুদ্ধে পাপ গোজ্যন্‌।” তে কলদে, “তুমি অবিশ্বেজী ওইয়ো। ইক্কিনে আর দেরী ন-গুরিনে এক্কো দাঙর্‌ পাত্তর্‌ ইয়েনত্‌ লোই এজঅ।”