প্রেরিত্‌ 15:19 - Chakma Bible

¹⁹ যাকোবে আরঅ কলঅ, “ইয়েনত্যে মর্ মতে যে অযিহূদীগুনে গোজেন ইন্দি ফিজ্জ্যন্ তারারে দুঘ্ দেনা আমার্ উচিত্ নয়।

প্রেরিত্‌ 15:19 ပူးပေါင်းရင်းမြစ်များ

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

প্রেরিত্‌ 15:10

সালে আমা পূরোণি মানুচ্চুনে বা আমি যে পোজাভুগি বুয়োই ন-পারিই সেই পোজা ভুগিবো অযিহূদী বিশ্বেজিগুনো কানাত্ তুলি দিইনে কিত্ত্যে তুমি গোজেনরে যগা চেবার্ চেষ্টা গরর্?

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:28

পবিত্র আত্মা আর আমি ইয়েনই গম্ মনে গুরিলোং যে, এ দরকারী বেপারানি বাদে আর কনঅ কিছুলোই তমা উগুরে যেন দুষ্‌চান দিয়্যে ন-অয়।

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

প্রেরিত্‌ 21:25

মাত্তর্ যে অযিহূদীগুনে বিশ্বেজি ওইয়োন্ তারাত্তে আমি যিয়েন ঠিগ্ গোজ্জ্যেই সে পৌইদ্যেনে তারা ইধু এ কধাগান লিগিনে জানেয়োং, মূত্তি মুজুঙোত্ উৎসর্ব গোজ্যে হানা তারা ন-হেবাক্, লো ন-হেবাক্, তদা চিবিনে মাজ্জ্যে কনঅ এ্যামানর্ য়েরা ন-হেবা আর কনঅ বাবোত্যে বেভিচের্ ন-গুরিবা।”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,