প্রেরিত্‌ 15:11 - Chakma Bible

¹¹ আমি বিশ্বেজ্ গুরিই যে, প্রভু যীশুর্ দোয়্যেই অযিহূদী বিশ্বেজিগুনে যেবাবোত্যেগুরি পাপত্তুন্ উদ্ধোর্ পেইয়োন সেবাবোত্যেগুরি আমিয়ো উদ্ধোর্ পেইয়্যেই।”

প্রেরিত্‌ 15:11 ပူးပေါင်းရင်းမြစ်များ

রোমীয় 3:24

মাত্তর্ খ্রীষ্ট যীশু মান্‌জ্যরে পাপ আঢত্তুন্ উদ্ধোর্ গুরিবার্ বেবস্থা গোজ্জ্যে আর সেই উদ্ধোরর্ মাধ্যমে দোয়্যের্ দান ইজেবে বিশ্বেজিগুনোরে নিদ্দুজি বিলি মানি লুয়ো অয়।

রোমীয় 5:15

মাত্তর্ আদম পাপ্পান্ যেবাবোত্যে, গোজেনর্ মাগানা দানান্ সেবাবোত্যে নয়। যেক্কে এক্কো মান্‌জ্যর্ পাপর্ কারনে ভালোক্কুন্ মান্‌জ্যে মুরিলাক্ সেক্কে গোজেনর্ দোয়্যেলোই আর এক্কো মান্‌জ্যর্ দোয়্যের্ মাধ্যমে যে দানান্ এলঅ, সিয়েন সেই ভালোক্কুন্ মান্‌জ্যত্তে আরঅ কত্তমান্ বেশ্ গুরি উগুরি পড়িলো! সেই আর একজন মানুচ্ অলঅ যীশু খ্রীষ্ট।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 16:23

প্রভু যীশুর্ আশিদ্‌বাদ্ তমা সমারে থোক্।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।