প্রেরিত্‌ 14:8 - Chakma Bible

⁸ লুস্ত্রা শঅরত্ এক্কো লেং মানুচ্‌ বৈই থেদঅ। তে জর্মত্তুন্ ধুরি লেং এলঅ আর কনদিন্অ ন-আঢে।

প্রেরিত্‌ 14:8 ပူးပေါင်းရင်းမြစ်များ

যোহন 5:7

পিড়েল্ল্যেবো জোব্ দিলো, “মর্ এমন্‌ কনজন নেই যে, পানিগান্ লুড়ি উদোনার্ লগে লগে মরে পোর্‌বোত্ লামেই দে। মুই যাদে ন-যাদে আর এক্কো মঅ আগেদি লামেগোই।”

প্রেরিত্‌ 14:21

দর্বী শঅরত্ গম্ হবর্ ফগদাং গুরিনে পৌল আর বার্ণবা ভালোকজনরে শিচ্চ্য গুরিলাক্। সে পরেদি তারা লুস্ত্রা, ইকনিয় আর পিষিদিয়া রেজ্যর্ আন্তিয়খিয়াত্ ফিরি যেইনে সিধুগো শিচ্চ্যগুনোর্ বিশ্বেজ্ বাড়েইনে তারারে খেমতাবলা গুরিলাক্ আর বিশ্বেজে থির্ থেবাত্তে উচ্চোমি তুলি দিলাক্। তারা কলাক্, “গোজেন রেজ্যত্ সুমিবার্ আগেদি আমাত্তুন্ বোউত্ দুঘ্ সোজ্য গরানা দরকার।”

প্রেরিত্‌ 14:6

মাত্তর্ পৌল আর বার্ণবা সিয়েন কোই পারিনে লুকায়নিয়া রেজ্য ভিদিরে লুস্ত্রা আর দর্বী শঅরত্ আর তার্ কায়-কুরে জাগানিত্ ধেই ধেই বেড়া ধুরিলাক্।

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 4:9

এক্কো লেং মান্‌জ্যরে উপকার গুরিবাত্যে এচ্চ্যে তুমি ইয়েন্দোই আমারে পুযোর্ গরত্তে, মানুচ্চো কেধোক্ক্যেন গুরি গম্ অলঅ।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।