প্রেরিত্‌ 14:23 - Chakma Bible

²³ তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 14:23 ပူးပေါင်းရင်းမြစ်များ

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

লূকে লেখ্যে গম্ হবর্ 23:46

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 14:26

পরেদি অত্তালিয়াত্তুন্ জাহাজত্ গুরি সিরিয়া দেজর্ আন্তিয়খিয়াত্ ফিরি এলাক্। যে কামান্ তারা ইক্কিনে থুম্ গুরিলাক্ সেই কামানত্যে এই আন্তিয়খিয়াত্ গোজেনর্ দোয়্যের্ আঢত্ তারারে তুলি দিয়্যে ওইয়্যে।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:6

সেক্কে প্রচারক্কুনে আর মন্ডলীর নেতাগুনে এ পৌইদ্যেনে চিন্তে গুরিবাত্তে এক জাগাত্ এগত্তর্ অলাক্।

প্রেরিত্‌ 20:17

পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

২ করিন্হীয় 8:19

এ মন্ডলীগুনে বানা যে তারে নাঙ্ গিন্নোন্ সিয়েন নয়, আমা সমারে এ দানুন্ নেযেবাত্যে মন্ডলীগুনে তারে বেঈঅ লোইয়োন। প্রভুরে বাঈনী গুরিবাত্যে আর অন্যগুনোরে সাহায্য গরানার্ কামত্ আওজ্ দেগেবাত্যে আমি এ দানুন্ নেযেবার্ বেবস্থা গুরির্।

১ তীমথিয় 5:1

যিগুনে বুড়ো, তারারে দুষ্ দেগেবাত্যে গবাচবা ন-গোজ্য; বাব ধোক্ক্যেন মনে গুরিনে তারারে বুঝো। গাবুজ্জ্যেগুনোরে ভেইয়ো ধোক্ক্যেন মনে গুরিনে বুঝো।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

যাকোব 5:14

তে নাঙ্ গিনেদে গীদ্ গোক্। কেঅ কি অসুগ্? তে মন্ডলীর আজল্ নেতাগুনোরে দাগোক্। তারা প্রভুর নাঙে তা মাঢাবোত্ তেল্ দিইনে তাত্যেই তবনা গোত্তোক্।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।

৩ যোহন 1:1

গোজেনর্ সত্যর্ কারনে মুই যিবেরে কোচ্‌পাং মর্ সেই পরাণর্ সমাজ্জ্যে গাইয় ইধু সেই বুড়ো নেতাবো মুই এ চিধিগান লেগঙর্।