প্রেরিত্‌ 14:15 - Chakma Bible

¹⁵ “সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 14:15 ပူးပေါင်းရင်းမြစ်များ

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

১ রাজাবলী 16:13

ইয়েন অলঅ, বাশা আর তা পূঅবো এলা নিজেই ভালোক্কানি পাপ গোজ্যন্‌ আর ইস্রায়েলরে দিনেয়ো পাপ গোরেয়োন্‌। তারা অসার মূত্তিলোই ইস্রায়েলর গোজেন লগেপ্রভুরে অহুজি গোজ্যন্।

১ রাজাবলী 16:26

তে পুরোপুরিভাবে নবাটর পূঅ যারবিয়াম ধোক্ক্যেন্ চলিদো, অত্তাৎ যারবিয়ামে যেধোক্ক্যেন্ ইস্রায়েলীয়গুনোরে দিইনে পাপ গোরেয়্যে অম্রিয়ো সেধোক্ক্যেন্ গোজ্যে। সেক্কে ইস্রায়েলীয়গুনে অসার মূত্তিলোই তারার্‌ গোজেন লগেপ্রভুরে অহুজি গোজ্যন্‌।

২ রাজাবলী 19:16

ও লগেপ্রভু, কানান পাদ্, শুন্‌; ও লগেপ্রভু, তঅ চোখকুন্‌ হুল্‌, চাহ্‌; জেদা গোজেনরে অগমান গুরিবাত্তে সন্‌হেরীবে যে কধাগান্‌ কোই পাদেয়্যে সিয়েন্‌ শুন্‌।

২ রাজাবলী 19:4

আসিরিয়ার রাজা জেদা গোজেনরে ঠাট্টা-তামাজা গুরিবাত্তে রব্‌শাকিরে পাদেয়্যে মাত্তর্‌ তর্‌ গোজেন্‌ লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্‌ তারাত্তে তুই তবনা গর্‌।”

গীতসংহিতা 115:15

লগেপ্রভু, যিবে স্বর্গ আর পিত্‌থিমীগান বানেয়্যে, তে তমারে বর্ দোক্।

গীতসংহিতা 124:8

লগেপ্রভু, যিবে আগাজ আর পিত্‌থিমীগান বানেয়্যে, তাত্তুনই আমার এজালান্ এজে।

গীতসংহিতা 31:6

যিগুনে বাজে মুত্তিগুনোরে ভোক্তি গরন মুই তারারে ঘিনাং; মাত্তর্ মুই লগেপ্রভু উগুরে বিশ্বেজ্ গরং।

গীতসংহিতা 33:6

লগেপ্রভুর কধালোই পিথ্‌তিমীগান ওইয়্যে; সিয়েন ভিদিরে বেক্কানি ওইয়্যেদে তা মুয়ো নিজেস‌্‌চোই। ‌

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

মথি লেখ্যে গম্ হবর্ 16:16

শিমোন-পিতরে কলঅ, “তুই সেই মশীহ, জেদা গোজেনর্ পুয়ো।”

যোহন 5:26

ইয়েনর্ কারনান্ অলঅ, বাপ্পো নিজে যেবাবোত্যেগুরি জিংকানির্ অধিকারী সেবাবোত্যেগুরি তে পুয়োবোরেয়ো জিংকানির্ অধিকারী অবাত্তে দিয়্যে।

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

প্রেরিত্‌ 10:26

মাত্তর্ পিতরে তারে তুলিনে কলঅ, “উদ্, মুই নিজেয়ো দঅ বানা এক্কো মানুচ্‌।”

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

প্রেরিত্‌ 14:21

দর্বী শঅরত্ গম্ হবর্ ফগদাং গুরিনে পৌল আর বার্ণবা ভালোকজনরে শিচ্চ্য গুরিলাক্। সে পরেদি তারা লুস্ত্রা, ইকনিয় আর পিষিদিয়া রেজ্যর্ আন্তিয়খিয়াত্ ফিরি যেইনে সিধুগো শিচ্চ্যগুনোর্ বিশ্বেজ্ বাড়েইনে তারারে খেমতাবলা গুরিলাক্ আর বিশ্বেজে থির্ থেবাত্তে উচ্চোমি তুলি দিলাক্। তারা কলাক্, “গোজেন রেজ্যত্ সুমিবার্ আগেদি আমাত্তুন্ বোউত্ দুঘ্ সোজ্য গরানা দরকার।”

প্রেরিত্‌ 14:7

সেই বেক্‌ জাগানিত্ তারা খ্রীষ্ট পৌইদ্যেনে গম্ হবর্ ফগদাং গরা ধুরিলাক্।

প্রেরিত্‌ 16:30

সে পরেদি তে পৌল আর সীলরে বারেদি আনিনে পুযোর্ গুরিলো, “কধে চাং, পাপত্তুন্ উদ্ধোর্ পেবাত্যে মত্তুন্ কি গরা পুরিবো?”

প্রেরিত্‌ 27:10

“চঅ, মুই দেগঙর্ আমা এ লদ্ দেনাগান্ ভারী ক্ষতি অবঅ। সেই ক্ষতিগান্ যে বানা জাহাজর্ আর পযাপিরার্ অবঅ সিয়েন নয়. আমা জিংকানির্-অ ক্ষতি অবঅ।”

প্রেরিত্‌ 27:21

মানুচ্চুনে ভালোক্ দিন ধুরিনে কিচ্চু ন-খান্ বিলি পৌলে তারা মুজুঙোত্ থিয়্যেইনে কলঅ, “চঅ, মঅ কধাগান্ শুনিনে ক্রীট দ্বীপত্তুন্ জাহাজ্‌চান ন-ছাড়ানা তমার্ উচিত্ এলঅ। সালে এ দযা আর ক্ষতিগানত্তুন্ তুমি রোক্ষ্যে পেদা।

প্রেরিত্‌ 27:25

ইয়েনত্যে তুমি মনত্ সাহচ্‌ রাগঅ। গোজেন উগুরে মর্ এ বিশ্বেজ্‌‌চান আঘে, তে মরে যিয়েন কোইয়্যে সিয়েন-ই অবঅ।

প্রেরিত্‌ 4:24

এ কধাগান শুনিনে তারা বেক্কুনে মিলিনে এগামনে গোজেন ইধু তবনা গুরিনে কলাক্, ও প্রভু, তুই আগাজ্ পিত্‌থিমী, সাগর আর সিয়েনি ভিদিরে যিয়েনি যিয়েনি আঘে বেক্কানি বানেয়োচ্।

প্রেরিত্‌ 7:26

তার কেল্যে মোশি দ্বিজন ইস্রায়েলীয়রে মারামারি গত্তে দেগিলো। সেক্কে তে তারারে মিলেই দিবাত্যে কলঅ, ও, তুমি দঅ ভেই ভেই; সালে একজন আরেকজন সমারে কিত্ত্যে এবাবোত্যে বজং বেবহার গরর্?

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

দ্বি’লম্বর বিররণ 5:26

মান্‌জ্য ভিদিরে এধোক্ক্যেন কন্না আঘে, আমা ধোক্ক্যেন্‌ গুরি আগুনো ভিদিরেত্তুন্‌ জেদা গোজেনর্‌ রঅবো শুনোনার্‌ পরেন্দিয়ো বাঁজিই আঘে?

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

যাকোব 5:17

এলিয় আমা ধোক্ক্যেন এক্কো মানুচ্‌ এলঅ। তে কোজোলী গুরিনে তবনা গুরিলো যেন ঝর্ ন-অয়, আর সাড়ে তিন বজর্ দেজত্ ঝর্ ন-অয়।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 19:19

সে পরেদি মুই দেগিলুং, যিবে সেই ঘোড়াবো উগুরে বৈ এলঅ তার আর তা সৈন্যগুনোর বিরুদ্ধে যুদ্ধো গুরিবাত্যে সেই য়েমান্নো আর পিত্‌থিমীর রাজাগুনে তারার্ সৈন্যগুন লোইনে এক সমারে থুবেইয়োন।

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”