প্রেরিত্‌ 13:9 - Chakma Bible

⁹ সেক্কে পবিত্র আত্মালোই পুরেইনে শৌলে, যিবেরে পৌল বিলিনেয়ো ডাগা অদঅ, ইলুমার ইন্দি সোজা রিনি চেইনে কলঅ,

প্রেরিত্‌ 13:9 ပူးပေါင်းရင်းမြစ်များ

মীখা 3:8

মাত্তর্ মুই যাকোবরে তার্ অন্যেয়, ইস্রায়েলরে তার পাপ পৌইদ্যেনে জানেবাত্তে লগেপ্রভুর আত্মার্ দিয়্যে বল্লোই, ন্যায়বিচেরে আর সাহসে ভর্‌‌পুনং ওইয়্যেই।

মথি লেখ্যে গম্ হবর্ 10:20

তুমি যে কবা সিয়েন্ নয়, বরং তমা বাপ্পো গোজেন আত্মাগানে তমা ভিদিরেদি কধা কবঅ।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

মার্ক 8:25

যীশু আর একবার মানুচ্চোর চোগ্‌কুনো উগুরে আঢ্ দিলো। এবারত্ তা চোগ্‌কুন্ খুলি গেলাক্ আর তে দেগিবার্ খেমতাগান্ ফিরি পেলঅ। তে গমেডালে বেক্কানি দেগা ধুরিলো।

লূকে লেখ্যে গম্ হবর্ 20:17

সেক্কে যীশু তারা ইন্দি রিনি চেইনে কলঅ, “সালে এই যে কধাগান্ পবিত্র বোইবোত্ লেগা আঘে, রাজমিস্ত্রিগুনে যে পাত্তর্‌‌‌‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো-ইয়েনর্ অত্তগান্ কি?

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

প্রেরিত্‌ 4:8

সেক্কে পিতরে পবিত্র আত্মালোই পুরেইনে তারারে কলঅ, “দাঙর্ ধর্মগুরুগুন আর বুড়ো নেতাগুন,

প্রেরিত্‌ 7:55

মাত্তর্ স্তিফানে পবিত্র আত্মালোই ভর্‌‌‌‌‌‌পুনোং ওইনে স্বর্গ ইন্দি রিনি চেইনে গোজেনর্ মহিমাগান্ দেগিলো। তে যীশুরে গোজেনর্ ডেনেদি থিয়্যেই থাগদে দেগিনে কলঅ,