প্রেরিত্‌ 13:50 - Chakma Bible

⁵⁰ মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 13:50 ပူးပေါင်းရင်းမြစ်များ

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

আমোষ 7:12

সেক্কে অমৎসিয় আমোষরে কলঅ, “ও দর্শক, দূর্ ওই যাহ্। তুই যিহূদা দেজত্ যাহ্। যিয়েনত্ ভাববাদী ইজেবে কধা কোইনে তঅ হানাগান তুবো অবঅ।

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মার্ক 15:43

যেক্কে সাজোন্যে ওই এলঅ সেক্কে অরিমাথিয়া আদামর্ যোষেফে সাহস গুরিনে পীলাত ইধু যেইনে যীশুর কিয়্যেগান চেলঅ। তে দাঙর্ সভাত্ এক্কো নাঙ-গোজ্যে মানুচ্ এলঅ আর তে নিজে গোজেন রেজ্যত্তে বাজ্জেই আঘে।

মার্ক 5:17

ইয়েন্দোই মানুচ্চুনে যীশুরে কোজোলী গরা ধুরিলাক্ যেন তে তারার্ চাগালাগান্ ছাড়ি যায়।

প্রেরিত্‌ 13:43

মানুচ্চুনে সমাজ ঘরত্তুন্ যানার্ পরেদি বোউত্ যিহূদী আর যিহূদী ধর্ম বিশ্বেজি গোজেনভক্ত অযিহূদী পৌল আর বার্ণবা সমারে সমারে গেলাক্। সেক্কে সেই মানুচ্চুনো সমারে পৌল আর বার্ণবা কধা কলাক্ আর তারারে উচ্চোমি তুলি দিলাক্ যেন তারা গোজেনর্ দোয়্যে ভিদিরে থির্ থান্।

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 14:4

ইয়েন্দোই শঅর মানুচ্চুনে ভাগ্ ওই গেলাক্; কেঅ কেঅ যিহূদীগুনো পক্ষে, আরঅ কেঅ কেঅ দিপাধেয়্যেগুনো পক্ষে গেলাক্।

প্রেরিত্‌ 14:5

সেক্কে অযিহূদী আর যিহূদী এ দ্বি'দলে তারার্ নেতাগুনো সমারে মিলিনে পৌল আর বার্ণবারে অত্যেচার্ গুরিবার আর পাত্তর্ মারিবাত্যে কুজুরোমি গুরিলাক্।

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 17:12

বোউত্ যিহূদী যীশু উগুরে বিশ্বেজ্ গুরিলাক্; ইগুন্ বাদে বোউত্ নামিদামী গ্রীক মিলে আর মরদ্অ বিশ্বেজ্ গুরিলাক্।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 17:17

তে সমাজ-ঘর ভিদিরে যিহূদীগুনো সমারে আর গোজেন-ভক্ত গ্রীক্‌‌কুনো সমারে তেম্মাং গরা ধুরিলো। ইগুন বাদে যিগুনে বাজারত্ এদাক্ তারা সমারেয়ো তে দিনোর্ পর্ দিন তেম্মাং গরা ধুরিলো।

প্রেরিত্‌ 17:4

এ কধাগান্ শুনিনে কয়েক্কো যিহূদী বিশ্বেজ্ গুরিনে পৌল আর সীল সমারে মিজেলাক্। ইগুন্ বাদে গোজেন-ভক্ত বোউত্ গ্রীক আর বোউত্ বিশেষ বিশেষ মিলেয়ো তারা সমারে মিজেলাক্।

প্রেরিত্‌ 18:7

ইয়েনর্ পরেদি পৌলে সমাজ-ঘরান্ ফেলেইনে তিতিয়-যুষ্ট নাঙে এক্কো মান্‌জ্য ঘরত্ গেলঅ। এ মানুচ্চো ঘরান্ সমাজ-ঘর কায়কুরে এলঅ আর তে অযিহূদী ওইনেয়ো গোজেনর্ উবোসনা গুরিদো।

প্রেরিত্‌ 2:5

সেক্কে পিত্‌থিমীর নানান্ দেজত্তুন্ গোজেন-ভক্ত যিহূদী মানুচ্চুনে এইনে যিরূশালেমত্ বজত্তি গত্তন্।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 6:12

এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।

রোমীয় 10:2

তারা পৌইদ্যেনে মুই এ সাক্ষ্যগান্ দোঙর্, গোজেন উগুরে তারার্ অমকদ আওজ্ আঘে, মাত্তর্ কেধোক্ক্যেন্ গুরি গোজেনর্ মানি লোইয়্যে উয়ো যায় সিয়েন তারা হবর্ ন-পান্।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।