প্রেরিত্‌ 13:48 - Chakma Bible

⁴⁸ অযিহূদীগুনে এ কধাগান শুনিনে হুজী অলাক্ আর প্রভুর্ কধানি বাঈনী গুরিলাক্; আর উমর্‌‌অ জিংকানি পেবাত্যে গোজেনে যিগুনোরে থিগ্ গুরি থোইয়্যে তারা বিশ্বেজ্ গুরিলাক্।

প্রেরিত্‌ 13:48 ပူးပေါင်းရင်းမြစ်များ

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 28:16

যীশু গালীলো যে মুড়োবোত্ শিচ্চ্যগুনোরে যেবাত্তে কোইয়্যে সেই এগারজন্ শিচ্চ্য সেক্কে সেই মুড়োবোত্ গেলাক্।

লূকে লেখ্যে গম্ হবর্ 7:8

মুই এ কধাগান্ হবর্ পাং, কিয়া মত্তুন্অ অন্যর্ কধামজিম্ চলা পড়ে আর সৈন্যগুনেয়ো মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে, আর মঅ চাগর্‌বোরে ‘ইয়েন গর্’ কলে তে সিয়েন্ গরে।”

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

প্রেরিত্‌ 13:12

ইয়েনি দেগিনে সেই শাসনগুরিয়্যেবো প্রভু উগুরে বিশ্বেজ্ গুরিলো, কিয়া প্রভু পৌইদ্যেনে যে শিক্ষ্যেনি তে পেইয়্যে সিয়েনিলোই তে আমক্ ওইয়্যে।

প্রেরিত্‌ 13:42

পৌল আর বার্ণবা সমাজ-ঘরত্তুন্ নিগিলি যেবার সময়োত্ মানুচ্চুনে তারারে কোজোলি গুরিলাক্ যেন তারা এজেত্তে জিরেবার দিনোত্ এ পৌইদ্যেনে আরঅ কিজু কন্।

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 15:31

মানুচ্চুনে চিধিগান পড়িলাক্ আর সিয়েন্অ ভিদিরে যে সান্তনার্ কধা এলঅ সিয়েন্দোই হুজি অলাক্।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 20:13

আমি আগে যেইনে জাহাজত্ উদিনে আঃস বন্দর্‌‌অ ইন্দি লদ্ দিলোং। সিয়েনত্তুন্ পৌলরে তুলি লবার্ কধা এলঅ। তারে তুলি লবার্ কধা তে আমারে কোইয়্যে কিয়া তে আঢিবার্ পধেদি সিধু যেবাত্তে চেইয়্যে।

প্রেরিত্‌ 22:10

সেক্কে মুই কলুং, প্রভু, মুই কি গুরিম? প্রভু কলঅ, উঠ্, দামেস্কত্ যাহ্। তত্যে যিয়েন্ ঠিগ্ গুরি থুয়ো ওইয়্যে সিয়েন তরে সিধু কুয়ো অবঅ।

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

প্রেরিত্‌ 8:8

সেক্কে সে শঅর মানুচ্চুনে অমকদ হুজি অলাক্।

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।

২ থিষলনীকীয় 3:1

শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।