প্রেরিত্‌ 13:40 - Chakma Bible

⁴⁰ ইয়েনত্যে তুমি উজিয়ার্ অ, যেন ভাববাদীগুনোর্ কোইয়্যে ইয়েনি বেক্কানি তমা উগুরে ন-ঘদে:

প্রেরিত্‌ 13:40 ပူးပေါင်းရင်းမြစ်များ

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিহিষ্কেল 33:9

মাত্তর্ তুই যুনি সেই পাজি মানুচ্চোরে তার্ ভান্ন্যেই পধত্তুন্ ফিরেবাত্তে উজিয়ার গরচ্ আর যুনি তে ন-ফিরে সালে তে তার্ পাপত্তে মুরিবো, মাত্তর্ তুই নিজো পরাণান্ রোক্ষ্যে গুরিবে।

হবক্‌‌‌‌কূক 1:5

জোবত্ লগেপ্রভু কোইয়্যেদে, “তুমি জাদ্‌তুনো ইন্দি রিনি চঅ, সেক্কে তুমি এক্কুবারে আমক্ অবা, কিত্যেই তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তমারে কলেয়ো তুমি বিশ্বেজ্ ন-গুরিবা।‌ ‌ ‌

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

প্রেরিত্‌ 15:15

এ কধাগান সমারে ভাববাদীগুনোর কধাগান্অ মিল্ আঘে, কিয়া বোইবোত্ লেগা আঘে:

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।