প্রেরিত্‌ 13:4 - Chakma Bible

⁴ পবিত্র আত্মাগানে এবাবোত্যেগুরি বার্ণবা আর শৌলরে দিপাধেলে যেরেদি সেই দ্বিজনে সিলূকিয়াত্ গেলাক্। যেরেদি সিয়োত্তুন তারা জাহাজত্ গুরিনে সাইপ্রাস দ্বীপোত্ গেলাক্।

প্রেরিত্‌ 13:4 ပူးပေါင်းရင်းမြစ်များ

প্রেরিত্‌ 11:19

স্তিফানরে কেন্দ্র গুরিনে বিশ্বেজিগুনো উগুরে অত্যেচারর্ কারনে যিগুনে ছিদি পোজ্জ্যন্ তারা ফৈনীকিয়া, সাইপ্রাস আর সিরিয়া দেজর্ আন্তিয়খিয়া সং যেইনে বানা যিহূদীগুনো ইধু গোজেনর্ কধা কলাক্।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 13:3

সেক্কে তারা উবোচ্‌ থেইনে আর তবনা গুরিনে সেই দ্বিজন উগুরে আঢ্‌তানি রাগেলাক্ আর তারারে পাধেই দিলাক্।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

প্রেরিত্‌ 20:23

মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 27:4

যেরেদি সিয়েনত্তুন্ আরঅ আমা জাহাজ্‌চান ছাড়িলো। বৈয়্যেরান্ আমা উগুদো মোক্ক্যেন্দি থানায় সাইপ্রাস দ্বীপ যিয়েনদি বৈয়্যের্ ন-এলঅ আমি সিয়েনদি যাহ্ ধুরিলোং।

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।