প্রেরিত্‌ 13:38 - Chakma Bible

³⁸ ইয়েনত্যে মঅ ভেইয়ুন, তমার্ কোই পারানা দরকার, যীশুর মাধ্যমে তমা ইধু পাপর্ ক্ষেমা পানা পৌইদ্যেনে ফগদাং গরা অর্।

প্রেরিত্‌ 13:38 ပူးပေါင်းရင်းမြစ်များ

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 32:1

বর্‌পেইয়্যে সেই মানুচ্চো, যিবের্ গোজেন উগুরে উল্লোমীগানি খেমা গরা ওইয়্যে, যিবের্ পাপ্পানি ঢাগি দিয়্যে ওইয়্যে।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিহিষ্কেল 36:32

তুমি হবর্ পেবা যে, মুই তমাত্তে এ কামান গুরিবাত্তে ন-যাঙর্। ও ইস্রায়েল জাদ, তমা আচার-বেবহারত্তে তুমি লাজেবা আর সুদোমু অবা।

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

কলসীয় 1:14

এ পুয়োবো সমারে মিজেইনে আমি উদ্ধোর্ ওইয়্যেই, অত্তাৎ আমি পাপর্ ক্ষেমা পেইয়্যেই।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

ইব্রীয় 9:22

মোশির্ রীদি-সুদোম মজিম প্রায় পত্তি জিনিচ্ লো-লোই সিজি গরা অয় আর লো ন-ঝুরিলে পাপর্ ক্ষেমা ন-অয়।

১ যোহন 2:12

পুয়ো-ঝিগুন্, খ্রীষ্টত্যে তমা পাপ্পানি ক্ষেমা গরা ওইয়্যে বিলিনে মুই তমা ইধু লেগঙর্।