প্রেরিত্‌ 13:30 - Chakma Bible

³⁰ মাত্তর্ গোজেনে মরণত্তুন্ তারে জেদা গুরি তুল্ল্যে।

প্রেরিত্‌ 13:30 ပူးပေါင်းရင်းမြစ်များ

মথি লেখ্যে গম্ হবর্ 28:6

তে ইয়েনত্ নেই। তে যেবাবোত্যেগুরি কোইয়্যে সেবাবোত্যেগুরি জেদা ওই উঠ্যে। এজঅ, তে যিয়েনত্ পড়ি এলঅ সে জাগায়ান্ চগি।

যোহন 10:17

বাবা মরে ইয়েনত্যে কোচ্‌পায়, কিয়া মুই মঅ পরাণান্ দিম্ যেন সিগুন্ আরঅ ফিরেই নি পারং।

যোহন 2:19

জোবত্ যীশু তারারে কলঅ, “গোজেন ঘরান্ তুমি ভাঙি ফেলঅ, তিন দিনো ভিদিরে আরঅ মুই সিয়েন তুলিম্।”

প্রেরিত্‌ 10:40

মাত্তর্ গোজেনে তিন দিনোত্ তারে মরণত্তুন্ জেদা গুরি তুলিলো আর এমন্‌ গুরিলো যাতে মানুচ্চুনে তারে দেগন্।

প্রেরিত্‌ 13:33

সিয়েনি তে তারার্ বংশগুনোত্তে, অত্তাৎ আমাত্যে যীশুরে মরণত্তুন্ জেদা গুরিনে পূরোণ গোজ্যে। এ পৌইদ্যেনে গীতসংহিতার দ্বিলম্বর গীদোত্ এ কধাগান লেগা আঘে: তুই মর্ পুয়ো, এচ্চ্যে মুই তর্ বাব্ অলুং।

প্রেরিত্‌ 13:34

গোজেনে যে তারে মরণত্তুন্ জেদা গোজ্জ্যে আর তার কিয়্যেগান যে আর কনঅ দিনঅ বর্‌বাদ ন-অবঅ সিয়েন এ কধানিত্ গোজেনে কোইয়্যে, পবিত্র আর ঘেচ্চেকগুরি বর্ দেনার্ যে এগেমান্ মুই দায়ুদ ইধু গোজ্জ্যং সিয়েন মুই তরে দিম।

প্রেরিত্‌ 13:37

মাত্তর্ গোজেনে যিবেরে মরণত্তুন্ জেদা গোজ্জ্যে তা কিয়্যেগান বর্‌‌বাদ ন-অয়।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।