প্রেরিত্‌ 13:23 - Chakma Bible

²³ গোজেনে তার্ এগেম্ মজিম এ মানুচ্চো গুট্টিত্তুন্ উদ্ধোর গুরিয়্যে যীশুরে ইস্রায়েলীয়গুনো ইধু আজির্ গোজ্জ্যে।

প্রেরিত্‌ 13:23 ပူးပေါင်းရင်းမြစ်များ

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিশাইয় 7:13

সেক্কে যিশাইয় কলঅ, “দায়ূদ বংশর মানুচ্চুন্, তুমি শুনো। মান্‌জ্যর ধৈয্য পোরোক্ক্যে গরানা কি যগাজ্যে নয়? তুমি কি মঅ গোজেনর্ ধৈয্য পোরোক্ক্যে গুরিবা?

যিরমিয় 30:9

সিয়েনর বদলে তারা তারার গোজেন লগেপ্রভুর আর তারার রাজা দায়ূদোর এক্কো বংশধররে সেবা গুরিবাক্ যিবেরে মুই তারার রাজা বানেম।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 1:1

যীশু খ্রীষ্ট দায়ূদ বংশর আর দায়ূদে অব্রাহাম বংশর মানুচ্। যীশু খ্রীষ্টর বংশর্ নাঙানি:

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

মথি লেখ্যে গম্ হবর্ 22:42

“তুমি মশীহ পৌইদ্যেনে কি মনে গরঅ? তে কাহ্ বংশধর্?” তারা কলাক্, “তে দায়ূদ বংশধর্।”

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

যোহন 4:42

সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

যোহন 7:42

পবিত্র বোইবো কি ন-কয়, দায়ূদে যে আদামত্ থেদঅ সেই বৈৎলেহমত্ আর তা বংশত্ মশীহ জোর্মেব?”

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

প্রেরিত্‌ 2:30

তে এক্কো ভাববাদী এলঅ আর তে কোই পাত্ত গোজেনে শমক্ হেইনে এ এগেমান্ গোজ্যেদে যে, তা সিংহাসনত্ তার এক্কো গুট্টিরে তে বোজেব।

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

রোমীয় 1:3

সেই গম্ হবরান্ অলঅ তার্ পুয়োবো পৌইদ্যেনে। সেই পুয়োবো যীশু খ্রীষ্ট, আমার্ গিরোজ্। কিয়্যেগানদি তে রাজা দায়ূদোর গুট্টি এলঅ, আর তার্ পাপ-নেইয়্যে আত্মাগান ইন্দিত্তুন্ তে দাঙর্ খেমতালোই মরণত্তুন্ জেদা ওইনে গোজেনর্ পুয়ো ইজেবে ফগদাং ওইয়্যে।

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”