প্রেরিত্‌ 13:19 - Chakma Bible

¹⁹ সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

প্রেরিত্‌ 13:19 ပူးပေါင်းရင်းမြစ်များ

পত্থম 12:5

তে তার মোক্‌ সারী আর ভেইপুত্‌ লোটরে লোইনে নিগিলিলো। নিজোর্‌ বেক্কানি নেযেইনে আর যিদুক্কুন চাগর-চাগরানীরে তারা হারণত্‌ পেইয়োন্‌ তারারে লোইনে তে কনান দেজ মোক্ক্যে যেইনে লুমিলোগোই।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

১ রাজাবলী 6:1

মিসর দেজত্তুন্‌ ইস্রায়েলীয়গুনে নিঘিলি এজানার পরেন্দি চেরশঅ আশি বজর সং ইস্রায়েলীয়গুনো উগুরে শলোমনর্ রাজাগিরির চের্‌ বজরত্‌ সিব মাজত্‌, অত্তাৎ দ্বিমাজত্‌ শলোমনে লগেপ্রভুর ঘরান তুলোনা আরাম্ভ গুরিলো।

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

যিশাইয় 34:17

তে পোরোক্ক্যে গুরিনে আর মাবেদে দুড়িলোই মাবিনে সে জাগায়ান তারারে ভাগ্ গুরি দিবো। সিয়েনি জিংকানিবর্ তারার্ থেবঅ; বংশর্ পর বংশ ধুরি তারা সিয়েনত্ বজত্তি গুরিবাক্।

প্রেরিত্‌ 7:45

আমা পূরোণি মানুচ্চুনে সে তাম্বুলান্ পেইনে তারার্ নেতা যিহোশূয়র অধীনোত্ সিয়েন নিজো সমারে আমা এ দেজত্ আন্ন্যন্। গোজেনে সেক্কে তারা মুজুঙোত্ থেইনে অন্য জাদ্‌তুনোরে ধাবেই দিয়্যে আর তারা এ দেশ্‌‌চ‌ান গজক্ গোজ্জ্যন্। দায়ূদোর সময় সং সেই তাম্বুলান্ এ দেজত্ এলঅ।

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 19:51

ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।

যিহোশূয় 23:4

যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।

যিহোশূয় 24:11

“ ‘সে পরেন্দি তুমি যর্দনান্‌ পার্‌ ওইনে যিরীহোত্‌ এলা। যিরীহো শঅরর্‌ মানুচ্চুনে আর ইমোরীয়, পরিষীয়, কনানীয়, হিত্তীয়, গির্গাশীয়, হিব্বীয় আর যিবূষীয়গুনে তমা বিরুদ্ধে যুদ্ধো গুরিলাক্‌, মাত্তর্‌ মুই তারারে বেক্কুনোরে তমা আঢত্‌ তুলি দিলুং।

বিচের গুরিয়্যেগুন 11:26

এচ্চ্যে তিনশত্‌ বজর ধুরিনে ইস্রায়েলীয়গুনে হিষ্‌বোনত্‌ আর অরোয়র শঅ্‌র আহ্‌ তারার কায়-কুরে আদামানি আর অর্ণোন গাঙর্‌ পাড়ত্‌ বেক্‌ আদামানিত্‌ বজত্তি গুরি এত্তন্‌। সেক্কেনে তুই সিয়েনি কিত্তেই আরঅ গজক্‌ গুরি ন-নেযাচ্‌?