প্রেরিত্‌ 13:15 - Chakma Bible

¹⁵ পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

প্রেরিত্‌ 13:15 ပူးပေါင်းရင်းမြစ်များ

মার্ক 5:22

সে অক্তত্ যায়ীর নাঙে যিহূদী সমাজ-ঘরর্ এক্কো নেতা সিয়েনত্ এলঅ আর যীশুরে দেগিনে তা টেঙ উগুরে মাঢা নিগিরি পড়িলো।

লূকে লেখ্যে গম্ হবর্ 16:16

মোশির আইন-কানুন্ আর ভাববাদীগুনোর্ লেখ্যে কধানি বাপ্তিষ্মদিয়্যে যোহন সং চুলিদো। সে পরেত্তুন্ ধুরি গোজেন রেজ্যর্ গম্ হবর্ ফগদাং গরা অর্ আর বেক্কুনে আয়োজি ওইনে জুরেসুরে সেই রেজ্যত্ সমদন্।

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

প্রেরিত্‌ 13:27

যিরূশালেম মানুচ্চুন আর তারার্ নেতাগুনে যীশুরে ন-চিনোন্। ইয়েন বাদেয়ো ভাববাদীগুনোর্ যে কধানি পত্তি জিরেবার্ দিনোত্ পড়া অয় সেই কধানি তারা ন-বুঝোন্; সেনত্তে তারা যীশুরে দুষী গুরিনে সেই কধাগান পূরোণ্ গোজ্জ্যন্।

প্রেরিত্‌ 15:21

এই উগুমানি তারারে দেনা গম্, কিয়া মোশি যিয়েন কোইয়্যে সিয়েন পত্তি শঅরত্ ভালোক্ দিন আগেত্তুন্ ধুরি ফগদাং গরা অর্ আর তে যিয়েন লিগি যেয়্যে সিয়েন পত্তি জিরেবার দিনোত্ সমাজ-ঘরানিত্ পড়া অর্।”

প্রেরিত্‌ 15:7

বোউত্ তেম্মাং গরানার্ পরেদি পিতরে উদিনে তারারে কলঅ, “ভেইলগ্, তুমি দঅ কোই পারঅ যে, ভালোক্ দিন আগে তমা ভিদিরেত্তুন্ গোজেনে মরে বেঈ লোইয়্যে যাতে অযিহূদীগুনে মঅ মুয়োত্তুন্ গম্ হবরর্ কধা শুনিনে বিশ্বেজ্ গরন্।

প্রেরিত্‌ 18:17

সেক্কে সেই যিহূদীগুনে বেক্কুনে মিলিনে সমাজ-ঘরর্ নেতা সোস্থিনীরে ধুরিনে কোদো মুজুঙোত্ পিদিলাক্; মাত্তর্ গাল্লিয়ো সিয়েন রিনিয়ো ন-চেলঅ।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 2:29

ভেইলগ, এ কধাগান মুই ঘেচ্চ্যেক গুরি কোই পারং যে, রাজবংশর বাপ্ দায়ূদে মুরি যেইয়্যে, তারে গোর্ দিয়্যে ওইয়্যে আর তার গোরান্ এজঅ ইধু আঘে।

প্রেরিত্‌ 2:37

এ কধাগান শুনিনে মানুচ্চুনে মনত্ আঘাত্ পেলাক্। তারা পিতর আর অন্য দিপাধেয়্যেগুনোরে পুযোর্ গুরিলাক্, “ভেইলগ, আমি কি গুরিবোং?”

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 20:2

ম্যাসিডোনিয়া ভিদিরেদি যেবার্ অক্তত্ তে ভালোক্কানি কধা কোইনে মানুচ্চুনোরে উচ্চোমি তুলি দিলো। পরেদি তে গ্রীস, অত্তাৎ আখায়া রেজ্যত্ যেইনে সিধু তিন মাস সং থেলঅ। সে পরেদি তে জাহাজত্ গুরি সিরিয়া দেজত্ লদ্ দিবার্ আগে হবর্ পেলঅ যিহূদীগুনে তা বিরুদ্ধে কুজুরোমি গত্তন্। সেক্কে তে আরঅ ম্যাসিডোনিয়া ভিদিরেদি ফিরি যানা ঠিগ্ গুরিলো।

প্রেরিত্‌ 22:1

“ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

২ করিন্হীয় 3:14

মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

১ থিষলনীকীয় 2:3

আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;

ইব্রীয় 13:22

ভেইলগ্, তমা ইধু মর্ বিশেষ কোজোলি ইয়েন, মর্ এ উপদেজর্ কধানি তুমি মানি লঅ। মুই দঅ তমা ইধু বেচ্‌ কধা ন-লিগিলুং।