প্রেরিত্‌ 13:14 - Chakma Bible

¹⁴ যেরেদি তারা পর্গাত্তুন্ পিষিদিয়া রেজ্যর্ আন্তিয়খিয়া শঅরত্ গেলাক্ আর জিরেবার দিন্নোত্ সমাজ-ঘরত যেইনে বলাক্।

প্রেরিত্‌ 13:14 ပူးပေါင်းရင်းမြစ်များ

লূকে লেখ্যে গম্ হবর্ 4:16

ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।

প্রেরিত্‌ 13:42

পৌল আর বার্ণবা সমাজ-ঘরত্তুন্ নিগিলি যেবার সময়োত্ মানুচ্চুনে তারারে কোজোলি গুরিলাক্ যেন তারা এজেত্তে জিরেবার দিনোত্ এ পৌইদ্যেনে আরঅ কিজু কন্।

প্রেরিত্‌ 13:44

যেরেদি জিরেবার দিনোত্ শঅরর্ প্রায় বেক্‌ মানুচ্চুনে গোজেনর্ কধা শুনিবাত্যে এক সমারে এগত্তর্ অলাক্।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 13:5

সালামীত্ লুমিনে তারা যিহূদীগুনোর সমাজ-ঘরত্ গোজেনর্ কধা ফগদাং গুরিলাক্। সেক্কে সাহায্যগুরিয়্যে ইজেবে যোহনে তারা সমারে এলঅ।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 16:13

আমি জিরেবার্ দিনোত্ শঅরর্ গেদো বারেদি গাঙান ইধু গেলং; মনে গুরিলোং সিধু যিহূদীগুনোর তবনা গুরিবার জাগা আঘে। সিধু যে মিলেগুনে এগত্তর্ ওইয়োন আমি তারা ইধু বৈইনে কধা কুয়ো ধল্লং।

প্রেরিত্‌ 17:2

পৌল তার্ সুদোম্ মজিম সেই সমাজ-ঘরত্ গেলঅ আর পর পর তিন পল্লা জিরেবার্ দিনোত্ মানুচ্চুনো সমারে পবিত্র বোইবোত্তুন্ কলঅ।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 19:8

ইয়েনর্ পরেদি পৌলে সমাজ-ঘরত্ গেলঅ আর তিন মাস সং জদবদে সাহচ্‌ গুরিনে কধা কলঅ। গোজেন রেজ্য পৌইদ্যেনে তে যুক্তি-তর্কলোই মানুচ্চুনোরে বিশ্বেজ্ গুরিবার চেষ্টা গরা ধুরিলো।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।