প্রেরিত্‌ 12:23 - Chakma Bible

²³ হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

প্রেরিত্‌ 12:23 ပူးပေါင်းရင်းမြစ်များ

২ রাজাবলী 19:35

সে রেদোত্‌ লগেপ্রভু দূত্তো নিগিলিনে আসিরিয়গুনো তাম্বুলোর্‌ এক লাখ্‌ পাজাশি আজার্‌ মান্‌জ্যরে মারে ফেলেল। তার্‌কেল্যে বেন্যে মানুচ্চুনে যেক্কে ঘুমোত্তুন উদিলাক্‌ সেক্কে দেগা গেলদে বেক্‌ জাগানিত্‌ বানা মরামানুচ্।

২ বংশধর 32:21

সেক্কে লগেপ্রভু এক্কো স্বর্গদূতোরে পাধেই দিলো যিবে আসিরিয়ার রাজার তাম্বুলো ভিদিরেত্তুন্‌ বেক্‌ যোদ্ধাগুরিয়্যেগুনোরে, নেতাগুনোরে আর সেনাপতিগুনোরে পুরোপুরি গুরিনে ভস্ত গুরি ফেলেল। সেক্কে সন্‌হেরিবে লাজে নিজো দেজত্‌ ফিরি গেলঅ। তে তার্‌ দেবেদাবোর্‌ মন্দিরোত্‌ যানার্‌ পরেন্দি তার্‌ কয়েক্কো পুয়ো তারে মারে ফেলেল।

ইয়োব 19:26

মঅ চামাড়াগান ভস্ত ওই যানার পরেন্দিয়ো মুই জেদা বাদে গোজেনরে চেই পেম্‌।

ইয়োব 7:5

পুগে আর মাদিলোই মঅ কিয়্যেগান্‌ ঢাগা যেইয়্যে; মঅ চামান্‌ ফাদি যেইয়্যে আর পুজ্‌ পোজ্যে।

গীতসংহিতা 115:1

আমার নয়, ও লগেপ্রভু, আমার নয়, মাত্তর্ তরে বাঈনী গরা ওক্; তর্ অমকদ কোচ্‌পানা আর বিশ্বেজত্তেই ওক্।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 12:23

মিসরীয়গুনোরে আঘাত্‌ গুরিবার লক্কে লগেপ্রভু যেক্কে মিসর দেজ ভিদিরেদি যেবঅ সেক্কে তমা দোরান তক্তানিত্‌ লো দেগিনে তে তমা দোরান বাদ্‌ দিইনে উজেই যেবঅ। যিবে এ ভস্তর্‌ কামান্‌ গুরিবো তারে তে তমা ঘরত্‌ সোমেইনে তমারে আঘাত গুরিবাত্তে ন-দিবো।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 9:17

তুই এজঅ মঅ মানুচ্চুনো বিরুদ্ধে নিজোরে অদে অদে রাগেয়োচ্‌ আর তারারে যেবাত্তে ন-দুয়োর্‌।

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

যিশাইয় 14:11

তর্ বেক্ সয়সাগোজ্যেগানি মরণ জাগাত্ লামেই আনা ওইয়্যে; সে লগে তর্ বেক্ বীণার রঅগুন লামা ওইয়্যে। তঅ তলেদি ছিদি পোজ্যে রোইয়োন্দে পুগ্ আর সিগুনে তরে নাঢি ফেল্যন্।

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

প্রেরিত্‌ 12:22

তা কধানি শুনিনে তারা রঅ ছাড়িনে কলাক্, “ইয়েনি দেবেদার্ কধা, মান্‌জ্যর্ কধা নয়।”

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

১ শমূয়েল 25:38

ইয়েনর্ প্রায় দশ দিন পরেন্দি লগেপ্রভুর সাজাগান নাবল উগুরে লামি এজানার পরেন্দি তে মুরি গেলঅ।