প্রেরিত্‌ 12:12 - Chakma Bible

¹² এ কধাগান বুঝি পারিনে তে যোহনর মা মরিয়ম ঘরত্ গেলঅ। এই যোহনরে মার্ক বিলিনেয়ো ডাগা অদঅ। সেই ঘরত্ ভালোকজনে এক সমারে এগত্তর্ ওইনে তবনা গত্তন্।

প্রেরিত্‌ 12:12 ပူးပေါင်းရင်းမြစ်များ

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

প্রেরিত্‌ 12:25

ইন্দি বার্ণবা আর শৌলর কামান্ থুম্ অনায় তারা যোহনরে সমারে লোইনে যিরূশালেমত্ ফিরি গেলাক্। এ যোহনরে মার্ক নাঙেয়ো ডাগা অদঅ।

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

প্রেরিত্‌ 13:13

ইয়েনর্ পরেদি পৌল আর তা সমাজ্যেগুনে পাফো ফেলেইনে জাহাজত্ গুরি পাম্‌ফুলিয়া রেজ্যর্ পর্গা শঅরত্ গেলাক্। যোহনে সেক্কে তারারে ফেলেইনে যিরূশালেমত্ ফিরি গেলঅ।

প্রেরিত্‌ 13:5

সালামীত্ লুমিনে তারা যিহূদীগুনোর সমাজ-ঘরত্ গোজেনর্ কধা ফগদাং গুরিলাক্। সেক্কে সাহায্যগুরিয়্যে ইজেবে যোহনে তারা সমারে এলঅ।

প্রেরিত্‌ 16:40

পৌল আর সীল জেল্‌খানাত্তুন্ নিগিলিনেই লুদিয়ার্ ঘরত্ গেলাক্। সিধু বিশ্বেজি ভেইয়ুনো সমারে তারার্ দেগা অলঅ। ভেইয়ুনোরে উৎসাহ দেনার্ পরেদি তারা সিয়োত্তুন গেলাক্‌কোই।

প্রেরিত্‌ 4:23

সিয়েনত্তুন্ ছড়ান্ পেইনে পিতর আর যোহনে তারা নিজো মানুচ্চুনো ইধু গেলাক্ আর আজল্ ধর্মগুরুগুন আহ্ বুড়ো নেতাগুনে তারারে যিয়েনি যিয়েনি কোইয়োন বেক্কানি তারারে জানেলাক্।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

২ তীমথিয় 4:11

বানা লুকে মঅ কায়কুরে আঘে। তুই মার্করে সমারে গুরি আনিচ্, কিয়া মঅ কামত্ তারে ভারী দরকার।

ফিলীমন 1:24

ইয়েন বাদে মার্ক, আরিষ্টার্খ, দীমা আর লূক-মর্ এ সমাজ্জ্যে গুনেয়ো তরে ভালেদি জানাদন্।

১ পিতর 5:13

গোজেনে তমা সমারে যিগুনোরে বেঈ লোইয়্যে বাবিলর সেই মন্ডলীর্ মানুচ্চুনে তমারে পাত্তুরু তুরু জানাদন্, আর মর্ পুয়োবো মার্কেয়ো তমারে পাত্তুরু তুরু জানার্।