প্রেরিত্‌ 12:1 - Chakma Bible

¹ সে অক্তত্ রাজা হেরোদে অত্যেচার্ গুরিবাত্যে খ্রীষ্টীয় মন্ডলীর কয়েক্কো মান্‌জ্যরে ধুরি আনিলো।

প্রেরিত্‌ 12:1 ပူးပေါင်းရင်းမြစ်များ

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

মথি লেখ্যে গম্ হবর্ 14:1

সে সময়োত্ যীশু পৌইদ্যেনে শুনিনে গালীল রেজ্যর্ শাসনগুরিয়্যে হেরোদে তা কাম্ গুরিয়্যেগুনোরে কলঅ, “ইবেই বাপ্তিস্মদিয়্যে যোহন; যিবে মরণত্তুন্ জেই উঠ্যে। সেনত্তে তে এই বেক্ আমক্ কামানি গোজ্যে।”

মথি লেখ্যে গম্ হবর্ 14:3

হেরোদে নিজোর্ ভেই ফিলিপ মোক্কো হেরোদিয়ার কারনে যোহনরে বন্দী গুরিনে নেযেইনে জেল্‌খানাত্ রাগেল,

মথি লেখ্যে গম্ হবর্ 14:6

হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মথি লেখ্যে গম্ হবর্ 24:9

সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

যোহন 15:20

মর্ এ কধাগান্ তুমি পুরি ন-ফেল্ল্য, চাগরে তা গিরোজত্তুন্ দাঙর্ নয়। সেনত্তে মানুচ্চুনে যুনি মরে মারে ফেলেবাত্তে চেষ্টা গুরি থান্ সালে তমারেয়ো সিয়েন্ গুরিবাক্; যুনি তারা মঅ কধা শুনি থান্ সালে তমা কধায়ো শুনিবাক্।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 12:2

তে যোহন ভেই যাকোবরে ছুরিলোই খুন্ গোরেয়্যে।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।