প্রেরিত্‌ 11:27 - Chakma Bible

²⁷ ইয়েন ভিদিরে কয়েক্কো ভাববাদী যিরূশালেমত্তুন্ আন্তিয়খিয়াত্ এলাক্।

প্রেরিত্‌ 11:27 ပူးပေါင်းရင်းမြစ်များ

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 11:22

এ হবরান্ যিরূশালেমর্ মন্ডলী মানুচ্চুনো কানত্ যানার্ পরেদি তারা বার্ণবারে আন্তিয়খিয়াত্ পাধেই দিলাক্।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 14:26

পরেদি অত্তালিয়াত্তুন্ জাহাজত্ গুরি সিরিয়া দেজর্ আন্তিয়খিয়াত্ ফিরি এলাক্। যে কামান্ তারা ইক্কিনে থুম্ গুরিলাক্ সেই কামানত্যে এই আন্তিয়খিয়াত্ গোজেনর্ দোয়্যের্ আঢত্ তারারে তুলি দিয়্যে ওইয়্যে।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:30

পৌল, বার্ণবা আর সেই মানুচ্চুনোরে দিপাধা অলে পরেদি তারা আন্তিয়খিয়াত্ গেলাক্। সিধু তারা মন্ডলী মানুচ্চুনোরে এগত্তর্ গুরিনে সেই চিধিগান তারারে দিলাক্।

প্রেরিত্‌ 15:32

যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 18:22

তে কৈসরিয়া শঅরত্ লুমিনে জাহাজত্তুন্ লামিনে যিরূশালেমত্ গেলঅ। সিধু মন্ডলীর্ মানুচ্চুনোরে ভালেদি জানানার্ পরেদি তে আন্তিয়খিয়াত্ গেলঅ।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

প্রেরিত্‌ 6:5

দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 14:32

ভাববাদীগুনোর্ আত্মা তারার্ নিজো অধীনোত্ থায়।

গালাতীয় 2:11

পিতরে যেক্কে সিরিয়া দেজর্ আন্তিয়খিয়াত্ এলঅ সেক্কে তা মুজুঙোত্ মুই আবিত্তি জানেলুং, কিয়া তে অন্যেয় গোজ্জ্যে।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।